MP38
Lo MP38 (abreviacion de Maschinenpistole 38) es un pistolet mitralhaire alemand intrat en servici en 1938 e utilizat per la Wehrmacht fins a 1945. Fòrça modèrna a sa mesa en produccion, aquela arma aviá una ponhada de baquelita, un cargaire de 32 cartochas plaçat en dessota (9 mm Parabellum), un sistèma permetent d'apielar lo canon sus un supòrt per estabilizar lo tir e un mecanisme aisat de desmontar. L'ensemble aviá una massa de 4,77 kg per una longor de 625 a 860 mm segon l'utilizacion de la cròssa. Sa portada eficaça èra de 100 m mai sa cadéncia de tirs (380 còps/mn) foguèt jutjada febla. Dins aquò, maugrat aqueu problema, l'arma obtenguèt un succès important e foguèt adoptada per totei lei brancas de la Wehrmacht.