Isla de la Ciutat

L'Isla de la Ciutat qu'ei situada au còr de París dens lo Ièr arrondiment. Qu'ei lo lòc on vadó la vila, en purmèr poblada per lo pòble gallés deus Parisii, puish conquestada per las legions romanas a l'escadença de la batalha de Lutècia.

Deu temps de la Lutècia galloromana qu'èra lo lòc on e's trobava lo palais deu governador e un temple. Uei, suber l'emplaçament d'aqueste temple que's quilha la catedrau de Nosta Dauna de París. A la caduda de l'Empèri Roman, lo pòble de la vila qu'abandonè l'arribèra esquèrra entà se tornar concentrar dehens las parets de l'Isla de la Ciutat.

Suber aquesta isla òm troba tanben la Santa Capèra e lo palais de la Concergeria. Devath lo parvís de Nosta Dauna de París que poden véder las fondacions de l'antica Lutècia.