Houari Boumédiène

Houari Boumédiène (Guelma, 23 d'agost de 1932 - Argièr, 27 de decembre de 1978) foguèt un militar e president d'Argeria del 19 de junh de 1965 al 27 de d'octobre de 1978. Son nom original èra Mohammed Ben Brahim Boukherouba, en alfabet arabi: ;هواري بومدين., romanizat: Hawwārī Būmadyan.

Foguèt tanben cap de l'Estat major de l'Armada de Liberacion Nacionala (1960) e ministre de la Defensa (1962) dins lo govèrn d'Ahmed Ben Bella. Prenguèt lo poder a l'escasença del còp d'estat de 1965 e governèt amb lo Conselh de la Revolucion, constituit subretot de militars. Sa politica exteriora se caracterizèt pel sosten als movements de liberacion nacionala de las colonias afro-asiaticas e per l'adopcion d'una politica socialista, atal nacionalizèt diferentas entrepresas, coma las petrolièras qu'èran en majoritat francesas.^[1]