ADIF
ADIF es l'acronim de la companhiá espanhòla nomenada Administrador de Infraestructuras Ferroviarias. Aquela entrepresa es estatala e foguèt creada a travèrs de la Lei Ferroviària aprovada en Espanha quand l'Union Europèa sollicitèt la liberalizacion progressiva del mercat del camin de fèrre.
Las nòrmas de l'Union Europèa exigisson de diferenciar l'activitat de gestion de las infrastructuras ferroviàrias (que se considèra un monopòli estatal) e los operators qu'ofrisson de servicis de transpòrt, mercat obligat a admetre competéncia de forma similara a la telefonia, la telefonia mobila o la ret electrica.
La lei aprovada per l'Estat faguèt que lo 1èr de genièr de 2005 s'acabèsse lo monopòli establit fins alavetz de la part de la companhiá estatala RENFE e l'entrepresa se dividiguèt en doas seccions:
- Renfe Operadora: operator de transpòrt de merças e passatgièrs en regim de concurréncia amb d'autres possibles operadors europèus interessats pel mercat ferroviari espanhòl.
- ADIF: Entitat estatala que gerís las infrastructuras (vias, estacions e senhalizacion entre d'autres) en crubant un canon a las entrepresas usatgièras de la ret. A l'ora d'ara mas, l'unic operator es RENFE a causa de la lenta accion de l'Estat dins la liberalizacion d'aquel mercat.
Aital Renfe Operadora se carga del transpòrt de passatgièrs en un regim teoric de liura concurréncia (malgrat qu'en practica ADIF a pas encara establit cap de concors d'adjudicacion de licéncias) e ADIF manten lo monopòli en la mantenença e ampliament de l'infrastructura ferroviària en Espanha.