Cronos (dieu)

De pas confondre amb Cronos (titan).

Dins la mitologia grèga, Cronos (en grèc ancian Χρόνος / Khrónos) es un dieu primordial personificant lo Temps e lo Destin. Paréis subretot dins las tradicions orficas, e es sovent confondut amb Cronos (titan), rei dels Titans e paire de Zèus.

Existís doas versions al subjècte de sa naissença. Pòt èsser la personificacion del temps e atal aparéis dins las tradicions orficas que lo considèran coma essent lo filh de Gaïa e d'Idros, o alara un èsser nascut de neient segon Nonnos. Cronos es unit a la divessa Ananque, la personificacion de la Necessita. D'aquesta union nasquèron tres enfants: Caòs, Estèr e Fanes.

Coma per sa naissença, a diferentas representacions. En efièch, dins sa representacion modèrna, es descrich coma essent un vièlh dotat d'una para d'alas negras e qu'una dalha remembrant atal sa foncion. Al contrari dins la descripcion que ne fan las tradicions orficas, Cronos es una sèrp de tres caps, una umana, una bovia e la darrièra essent la tèsta d'un leon.

Dins la cultura contemporanèa, es subretot conegut coma essent representat coma un vièlh òme savi de barba grisa longa.

Los dos autres principals concèptes del Temps en Grècia anciena son Cairos (l'instant opportun) e Aiòn (Eon (gnòsi)).