Honning

Honning er eit seigt, sukkerhaldig stoff som blir framstilt av honningbier og humler. Desse insekta sankar søte safter (nektar og honningdogg) dei samlar frå levande plantar og sidan omdannar og lagrar i kuben. Honning vert brukt i matlaging, i mjød, som pålegg og som naturmedisin. Det var lenge det einaste søtingsmiddelet brukt i Europa.

Frå gammalt av har honning vorte brukt som betalingsmiddel og som medisin. I dag er honningen verdsett både for den søte smaken og enzyma (og andre bestanddelar) han inneheld.