BMW Sauber

Hovudartikkel: Sauber

Peter Sauber bygde sin første bil i 1970. Sauber konkurrerte i motorsport gjennom 1970 og 1980-tala. I 1993 entra det sveitsiske laget Formel 1, med støtte frå Mercedes. Partnarskapen med Mercedes varte fram til 1994. Frå 1997 til 2005 brukte Sauber motorar frå Ferrari, merka som Petronas. Sauber klarte aldri å ta noko siger, pole position, eller raskaste runde i Formel 1. Sauber laget sitt mest suksessfulle sesong var i 2001, då det kom på ein fjerdeplass i konstruktørmeisterskapet.

Den tyske bil-produsenten BMW konkurrerte i Formel 1 som motorleverandør mellom 1982-1987 og mellom 2000-2005. Nelson Piquet vann førarmeisterskapet i 1983-sesongen i ein Brabham-BMW. I 2005 enda BMW sin avtale som motorleverandør til Williams-laget og kjøpte opp Sauber.

For 2006-sesongen hadde BMW Sauber signert Nick Heidfeld frå Williams til å bli deira førsteførar, medan verdsmeisteren frå 1997, Jacques Villeneuve fortsette sin ekisterande kontrakt med Sauber. Polakken Robert Kubica vart henta inn som test- og reserveførar. Laget fortsette å nytte Sauber sine fasilitetar, i hovudsak til å utvikla chassis og testing i vindtunnel, medan BMW sitt hovudkvarter i München hadde ansvaret for å bygge P86 V8 motorane.

 

Den tidlegare tittelsponsoren til Sauber, Petronas, fornya kontrakten sin med det nye laget, men no berre som sponsor, det same gjorde Credit Suisse. Før sesongen starta annonserte BMW Sauber eit teknisk samarbeide med Intel, med den grunn at det skulle gje eventuelle tekniske forbetringar til BMW sine gatebilar.

Den nye utsjånaden, som vart avduka i Valencia 17. januar 2006, var i dei tradisjonelle BMW-fargane; blå og kvit med antydningar til raudt.

Jacques Villeneuve sanka inn laget sitt første poeng med ein sjuandeplass under Malaysia Grand Prix2006, etter at Heidfeld måtte bryta frå ein femteplass med motorsvikt i slutten av løpet. Ved dei første to tredjedelane av sesongen scora førarane poeng jamnt og trutt.

Det var Nick Heidfeld som skaffa laget sin første podiumsplassering i Ungarn etter å ha starta frå tiande-beste startspor. Før dette løpet hadde Kubica tatt over som andreførar, då Villeneuve på grunn av medisinske grunnar ikkje kunne køyre etter ulykka han hadde under Tyskland Grand Prix. Kubica fullførde på en sjuandeplass, men vart seinare diskvalifisert etter at bilen hadde for låg vekt.

Kubica skaffa B;W Sauber den andre pallplassering i Italia, etter å ha lagt på ein tredjeplass i store delar av løpet. Heidfeld strevde og fekk så vidt eit poeng, då han enda på ein åttandeplass. Då 2006 sesongen var slutt låg BMW sauber på ein sterk 5. plass i konstruktørmeisterskapet.

 

Den 19. oktober 2006 vart det kjend at Robert Kubica skulle køyre 2007 sesongen, saman med Nick Heidfeld. Rolla som test og reserveførar fekk Sebastian Vettel. 16. januar lanserte BMW bilen for 2007, som fekk namnet F1.07.

Den nye bilen viste lovande prestasjonar under vintertestinga. Likevel var teamsjefen Mario Theissen bekymra for haldbarheiten til bilen, før sesongåpningen i Australia. Midt i løpet måtte Robert Kubica bryta frå ein femte plass grunna girkasseproblem, medan Nick Heidfeld beviste at tempoet deira frå testinga ikkje hadde vore flaks, då han køyrde inn til ein fjerdeplass. Heidfeld fortsette suksessen med to nye 4. plassar i Malaysia og Bahrain.

Canada Grand Prix gav blanda følelsar for laget. For medan Nick Heidfeld scora ein fantastisk andreplass, opplevde Robert Kubica eit stort krasj som resulterte i at safety car var ute i ein lang periode. Media vart først fortalt at Kubica hadde brekt foten, men etter ein legesjekk vart det påvist at det berre var snakk om ein forstuing i okla.

Sebastian Vettel erstatta Kubica i USA Grand Prix og fullførte på ein åttandeplass. Med dette var Vettel den yngste formel 1-føraren som har tatt poeng i meisterskapet. Like etter Europa Grand Prix, vart det annonsert at Vettel gjekk over som andreførar i Scuderia Toro Rosso.

21. august 2007 bekrefta BMW at Heidfelf og Kubica skulle fortsetja som førarane deira for 2008-sesongen.^[1].

  Wikimedia Commons har multimedia som gjeld: BMW Sauber

• BMW Sauber F1 - Offisiell heimeside

Konstruktørar og førarar som konkurrerer i Formel 1 meisterskapen i 2024
Ferrari	Kick Sauber	Alpine	Williams	Red Bull	RB	Mercedes	Aston Martin	McLaren
16  Charles Leclerc 55  Sainz			2  Sargeant 23  Albon	1  Verstappen 11  Pérez		44   Hamilton 63   Russell	14   Alonso 18   Stroll	4   Norris 63   Piastri