Søndre Enningdalen kyrkje
| Søndre Enningdalen kyrkje | |||
| kyrkje | |||
 Søndre Enningdalen kyrkje
Foto: Trond Strandsberg | |||
| Kyrkjesamfunn | Den norske kyrkja | ||
|---|---|---|---|
| Bispedøme | Borg | ||
| Prosti | Søndre Borgesyssel | ||
| Sokn | Enningdalen | ||
| Fellesråd | Halden | ||
| Type | Langkyrkje | ||
| Arkitekt | Dag Borg | ||
| Material | Tre | ||
| Innvigd | 7. oktober 1956 | ||
| Kyrkjegard | Ved kyrkja | ||
| Altartavle | Anna Vigen | ||
| Sitjeplassar | 100 | ||
 Søndre Enningdal kapell 58°54′30″N 11°31′19″E / 58.90830306°N 11.52186889°E | |||
| Wikimedia Commons: Søndre Enningdal kapell | |||
Søndre Enningdalen kyrkje er ei langkyrkje frå 1956 i Halden kommune i Østfold fylke. Byggverket er i tre og har 100 plassar. Tilkomst til staden er via fylkesveg 22.
Det har stått kyrkjer på staden — som ligg berre eit par kilometer frå grensa til Sverige — sidan mellomalderen, men i 1793 vart ny kyrkje oppført ved Prestebakke. Likevel vart den gamle kyrkjegarden halden i hevd, og i 1950-åra kom det ny kyrkje på Kirkebøen.
Skrivemåten varierer: Namnet vert skrive med eller utan «Søndre» og i ubestemt eller bestemt form (Enningdal / Enningdalen). Somme omtalar kyrkja framleis som kapell, sjølv om ho offisielt vert kalla kyrkje. Også det lokale fellesrådet er inkonsekvent. Den offisielle skrivemåten, som vart vedteken av bispedømmerådet i 2010, er «Søndre Enningdalen kirke».[1] Namnet «Enningdal kirke» vert elles ofte nytta i "eldre" litteratur om Prestebakke kyrkje.
Altartavla vart måla av Anna Vigen (1869–1954) frå garden Vigen ved Kornsjø. Ei altartavle frå ei av dei tidlegare kyrkjene står i dag i Nössemark kyrkje på svensk side av grensa.[2]
Referansar
[endre | endre wikiteksten]- ↑ Statens kartverk, arkivert frå originalen 6. mars 2016, henta 19. juli 2013
- ↑ Skauge og Stumberg (2010), s. 177.
Bakgrunnsstoff
[endre | endre wikiteksten]- Skauge, Inger Lise og Stumberg, Kari (2010). Kirker og kirkegårder i Halden. Lokale kulturskatter. H. Andersen Bok- og papirhadel. s. 175-195. ISBN 978-82-91129-13-6.
- Rasmussen, Alf Henry (1993). Våre kirker. Norsk kirkeleksikon. Kirkenær: Vanebo forlag. s. 685. ISBN 82-75-27022-7.
- Lokalhistoriewiki – Enningdalen kirke
- Kirkesøk – Søndre Enningdal kirke Arkivert 2014-03-27 ved Wayback Machine.
- Idd og Enningdalen historielag – Enningdalen kapell Arkivert 2015-04-02 ved Wayback Machine.
- Søndre Enningdalen kyrkje i kulturminnesok.no, nettstaden til Riksantikvaren