Sverre Fehn

Sverre Fehn
Statsborgarskap	Noreg
Fødd	14. august 1924 Kongsberg kommune
Død	23. februar 2009 (84 år) Oslo
Yrke	arkitekt, professor
Språk	norsk, dansk
Medlem av	Det kongelege svenske kunstakademiet
Sverre Fehn på Commons

Sverre Fehn (14. august 1924–23. februar 2009) er ein av dei internasjonalt mest kjende arkitektane frå Noreg.

Fehn voks opp i Kongsberg, og blei utdanna arkitekt ved Statens arkitektkurs i Oslo i 1949 og blei tidleg prega av læraren sin, Arne Korsmo. I 1952/53 heldt han til i Marokko, og året etter studerte han hos den franske arkitekten Jean Prouvé i Paris. Der blei han også kjend med Le Corbusier sine arbeid. I 1952 danna han og Arne Korsmo saman med sju andre unge arkitektar gruppa PAGON, som gjekk inn for ny, modernistisk arkitektur. Gjennombrotet sitt fekk Sverre Fehn saman med Geir Grung i 1955 med det modernistiske Økern aldershjem. Fehn har drive arkitektpraksis i Oslo og var professor ved Arkitekthøgskolen frå 1971 til han gjekk av med pensjon i 1995.

Sverre Fehn har fått både norske og utanlandske prisar.

• I 1994 vart han utnemnd som kommandør av St. Olavs Orden
• 1997 The Pritzker Architecture Prize
• 1997 Heinrich-Tessenow-medaljen i gull
• I 1998 vart han tildelt Norsk kulturråds ærespris
• I 2001 fekk han den norske Groschmedaljen
• I 2003 fekk han Anders Jahres kulturpris saman med Kjetil Trædahl Thorsen.
• Fehn var æresmedlem av det norske, finske, skotske, britiske og amerikanske arkitektforbundet.

• Økern aldershjem (1955, saman med Geir Grung)
• Den norske paviljongen til Verdsutstillinga i Brussel (1958)
• Den nordiske paviljongen i Biennaleparken i Venezia
• Hedmarksmuseet på Domkirkeodden ved Hamar
• Norsk bremuseum i Fjærland (1991)
• Aukrustsenteret i Alvdal (1996)
• Ivar Aasen-tunet i Ørsta (2000)
• Norsk museum for fotografi i Horten (2001)

Wikimedia Commons har multimedia som gjeld: Sverre Fehn