Sprosse

Sprosser er lister i vindaugsruter som deler flata i mindre delar.^[1] Desse er der for både pynt og funksjon.^[2] Dei kan brukast for å endra uttrykk og presentasjon av vindauget og huset, og kan dessutan hindra at fuglar flyr inn i vindauga.

Fram til kring 1700 kunne ein berre tilverka glas i særs små format, og i større vindauge måtte ein setja inn fleire ulike glasruter. Dei vart då haldne saman med sprosser av bly, valsa til ein H-profil.