Nils Trulsson Bru

Nils Trulsson Bru (15. mars 1776–15. juni 1823) var ein norsk gardbrukar og stortingsmann frå Mosterøy i Rogaland.

Bru var fødd på garden med same namn, og tok i si tid over farsgarden i Mosterøy. Han var 3. representant frå Stavanger amt på omframstortinget i 1814, og vald til 1. representant frå amtet til Stortinget 1815-16. Det sistnemnde valet vart forkasta med 74 mot 10 røyster, då han var under tiltale frå lovverket. 22. april 1816 vart Bru frikjend ved dom i underretten. Aktor som hadde lagd ned påstand om straff på «ære og liv» vart dømd til å betale ei bot 10 riksdalar.

Bru var 2. representant på Stortinget 1821 og omframstortinget 1822 for same valkrinsen som før. Han var i 1821 medlem av åtte komitear. Mellom dei om fisket ved Skudenes, om hummarfisket, sildehandelen i Bergen, brennevinslova, brennevinsbrenning på landet og formannskapslova.

Bru døydde 1823 på garden sin i Mosterøy.

• Tallak Lindstøl: Stortinget og Statsraadet, B. 1 D. 1 : Biografier A-K, digital utgåve side 133

• Biografisk informasjon om Nils Trulsson Bru NSD Norsk senter for forskningsdatas politikararkiv