Moskenesøya

Moskenesøya
Reine
Geografi
Stad	Nord-Noreg
Koordinatar	67°59′N 13°00′E / 67.983°N 13.000°E / 67.983; 13.000
Øygruppe	Lofoten
Areal	186 km²
Høgaste punkt	Hermannsdalstinden (1029 moh.)
Administrasjon
Land	Noreg
Fylke	Nordland
Største busetnad	Sørvågen (463 innb.)

Moskenesøya er den ytste av dei vegfaste øyane i Lofoten. Øya har eit areal på 186 km². Den nordaustlegaste delen av øya høyrer til Flakstad kommune, medan resten høyrer til Moskenes kommune.

Moskenesøya er ei bratt og fjellendt øy. Det høgaste punktet på øya er Hermannsdalstinden på 1029 moh. Busetjingane på øya ligg på sør- og austsida. I Moskenes ligg fiskeværa Å, Sørvågen, Reine og Hamnøy. På Flakstad-delen av øya ligg Mølnarodden og Fredvang. Nord- og vestsida av øya er ikkje busett, men det finst fleire flate viker mellom fjella på yttersida.

Aust for Moskenesøya ligg Flakstadøya, som utgjer den største delen av Flakstad kommune. Sørvest for Moskenesøya ligg Moskenstraumen, Mosken, Værøy og øyane på Røst.

Fredvang på Moskenesøya er knytt til Flakstadøya med to bruer (Fredvangbruene) og fylkesveg. Kåkern bru fører Europaveg 10 frå Flakstadøya til Moskenes. Vegen kryssar Reinefjorden på tre bruer og ender på Å. Frå staden Moskenes er det ferjesamband til Bodø, Værøy og Røst.

• Moskenesøya
• 
  Moskenesøya
• 
  Sørvågen
• 
  Å i Lofoten
• 
  Reine
• 
  Sakrisøy