Mona

Mona er eit kvinnenamn som kan ha fleire ulike opphav. Mona har namnedag den 4. mai i Noreg, Sverige og på Færøyane.

Namnet var særs populært i Noreg på 1960-talet, då over 1,2 % av nyfødde jenter fekk namnet. I 2009 var det 12 575 norske kvinner som heitte Mona.

Mona kan vera ei kortform av det fønikiske eller latinske namnet Monika eller det spanske Ramona. Det kan vera ein engelsk skrivemåte for det irske Muadhnait, som er danna av muadh, 'god', og ei diminuitivending, eller ein transkripsjon av eit arabisk namn (منى) som betyr 'ønske', også skrive Mouna og Muna.

• Mona Darkfeather (1883–1977), USA-amerikansk skodespelar
• Mona Hofland (f. 1929), norsk skodespelar
• Mona Røkke (f. 1940), norsk politikar
• Mona Lyngar (f. 1944), norsk forfattar
• Mona Hatoum (f. 1952), palestinsk kunstnar
• Mona Sahlin (f. 1957), svensk politikar
• Mona Mur (f. 1960), tysk songar
• Mona Haugland Hellesnes (f. 1967), norsk lokalpolitikar, ordførar i Ulvik
• Mona Grudt (f. 1971), norsk redaktør og fotomodell
• Mona Singh (f. 1980), indisk modell og skodespelar

• «Mona Lisa» blir ofte brukt som namn på eit kjent måleri av Leonardo da Vinci.