Hòv

Hòv (norr. hof) viser til stader for utøving av norrøn religion. Det er usikkert om dette viste til stader innan- eller utandørs, til eigne tempel eller bygningar som også hadde andre bruksområde. Truleg har ein hatt ulike typar hòv ulike stader.

Spor etter førkristne bygningar som er tolka som hòv er funne under arkeologiske utgravingar mellom anna i Uppåkra på Lundsletta i nærleiken av byen Lund i Skåne i Sverige, og på eit område på Ranheim i Trondheim, der det òg vart funne ei steinrøys av ein slik skapnad og konstruksjon at ho vart tolka som ei horg, og dessutan ein veg mellom to steingardar som ein meinte kunne ha vore ein prosesjonsveg.

Stadnamn avleidde av hof er utbreidde i Noreg og Sverige, både som usamansett ord (Hov, Hof, Hoff, Hove) og i samansetjingar med stadtilvisingar (Hovin, Hoftun, Hofstaðir) eller med gudenamn (som Norderhov av Njarðarhof og Torshov).

• «hov – i norrøn diktning betegnelse på hus til bruk for (hedensk) gudsdyrking» i Store norske leksikon, snl.no.

• Artikkel av arkeolog, fyrsteamanuensis Preben Rønne, om den førkristne kulststaden på Ranheim i Trondheim Arkivert 2014-08-24 ved Wayback Machine.

• Horg
• Ve
• Veet på Ranheim
  Denne religionsartikkelen som har med historie å gjere, er ei spire. Du kan hjelpe Nynorsk Wikipedia gjennom å utvide han.