Kstovo

Kstovo Кстово
Byvåpenet til Kstovo
Plassering
Styresmakter
Land	Russland
Føderasjonssubjekt	Nizjegorod oblast
Grunnlagd Bystatus	1400-talet 1957
Geografi
Flatevidd  - By	18 km²
Innbyggjarar  - Totalt (2007)    - folketettleik	65 400   3 633,3 /km²
Koordinatar	56°9′N 44°12′E / 56.150°N 44.200°E / 56.150; 44.200
Høgd over havet	120 moh.
Tidssone - Ved sommartid	MSK (UTC+3) MSD (UTC+4)
Diverse annan informasjon
Retningsnummer (tlf)	+7 83145
Nettstad: www.kstovo-nn.ru

Kstovo (russisk Ксто́во) er ein by i Nizjegorod oblast i Russland med om lag 65 000. Byen ligg på høgresida av Volga, 20 km søraust for Nizjnij Novgorod.

Landsbyen Kstovo vart grunnlagt på 1400-talet. Med bygginga av Novogorkovskij Oljeraffineri (russisk: Новогорьковский нефтеперерабатывающий завод) på 1950-talet vart det bygt ein ny by nokre få kilometer søraust for den gamle landsbyen Kstovo, på det høgareliggande området mellom elvane Volga og Kudma.

Sidan då har den vestlege delen av byen sentrert seg rundt den opphavlege landsbyen og er framlies landleg i karakter og vert vanlegvis kalla Gamle Kstovo (Staroje Kstovo), medan den nyare austlege delen av byen, som vart bygt på 1950-talet og framleis veks, vert kalla Nye Kstovo (Novoje Kstovo). Nye Kstovo har gjennom utvidinga si heilt eller delvis innlemma fleire mindre landsbyar.

Kstovo fekk status som urbanliknande busetnad i 1954 og bystatus i 1957.

Den viktigaste arbeidsgjevaren og historisk sett årsaka til at byen eksisterer, er LUKOIL-Nizjegorodnefteorgsintez (tidlegare NORSI-Oil og Novogorkovskij Oljeraffineri).

Det er òg eit asfaltverk, eit spritdestilleri, ein fabrikk for regummiering og resirkulering av dekk og elles den vanlege samlinga av lokale matindustriverksemder. Eit varmekraftverk forsyner det lokale nettet med elektrisitet og varmt vatn til byen.

Byen har ein stort marknad for jordbruksprodukt og eit utval av supermarknadar og andre butikkar.

• Uoffisielt nettstad for Kstovo (russisk)
• Informasjon og bilete frå Kstovo (russisk)
• Zemlyaki (Kstovos lokalavis) (russisk)
• Byen webomrade Kstоvо Arkivert 2012-09-22 ved Wayback Machine. (russisk)