Kesab

	Kesab
	كسب, Քեսապ
	by
Land	Syria
Guvernement	Latakia guvernement
Distrikt	Latakia-distriktet
Nahiyah	Kesab
Høgd	800 moh.
Koordinatar	35°55′N 35°59′E / 35.917°N 35.983°E
Folketal	1 754 (2004)
Tidssone	EET (UTC+2)
	; Kesab; 35°55′00″N 35°59′00″E / 35.916666666667°N 35.983333333333°E
	Kart som viser Kesab. Kart som viser Kesab.
	Wikimedia Commons: Kesab

Kesab, Kessab eller Kasab (arabisk كسب, armensk Քեսապ, Kesab) er ein armensk-busett by nordvest i Syria i Latakia guvernement, 59 kilometer nord for Latakia. Han ligg nær grensa til Tyrkia i fjellsida til Aqraa (tyder «den hårlause» eller «skalla») 800 meter over havet.^[2] I følgje Syrisk statistisk sentralbyrå, hadde Kesab eit folketal på 1 754 i 2004.^[1]

Med det tørre klimaet og omgjeve av grøne skogar og djupe dalar, er Kesab ein populær feriestad for mange innbyggjarar i Aleppo og Latakia.^[2]

Byen ligg 59 kilometer nord for Latakia, berre tre kilometer frå den tyrkisk grensa og ni kilometer frå Middelhavet. Byen ligg 800 meter over havet i midten av ein tett barskog, og er ein populær feriestad om sommaren.

Kesab er en gammal armensk by som er datert attende til Det armenske kongedømet Kilikia. Innbyggjarane er i dag hovudsakleg armenarar^[3] med ein minoritet av arabiske alawittar. Byen er omgjeven av små landsbyar og gardar, som òg stort sett er folkesett av armenarar: Duzaghaj, Esguran, Sev Aghpyur, Kinar, Chakhaljekh, Keorkeuna, Ekizolukh, Baghjaghaz, Karadouran, Karadash og den fråflytta landsbyen Bashurd.