Den baltiske issjøen
Den baltiske issjøen var ein stor ferskvassjø danna i sørlege delen av Austersjøen for 13 000–10 300 år sidan, med aukande utstrekking føre restane av innlandsisen idet han trekte seg tilbake mot nord. Utløpet mot havet i vest gjekk først gjennom Øresund, men etter kvart som isen smelta, rykte issjøen etter og fekk nytt avløp mot vest gjennom Billingen i Sverige. For ca. 10 300 år sidan vart demninga mot vest brote, og issjøen tappa. I den etterfølgjande tida (10 300–9 000 år tilbake) hadde området ved Austersjøen samband med havet i vest (Yoldiahavet), men vatnet var lenge ferskt på grunn av smeltevatnet frå isbreen.
Kjelder
[endre | endre wikiteksten]- Baltiske issjøen. (2009, 14. februar). I Store norske leksikon. Henta 21. november 2013 frå http://snl.no/Baltiske_issj%C3%B8en.