Guadalete

Guadalete
elv
Guadalete i El Puerto de Santa Maria
Land	Spania
Nedslagsfelt	3 677 km²
Lengd	157 km
Kjelde	Sierra de Grazalema naturpark
•  høgd	1 103 moh.
Munning	Cádizbukta
Guadalete 36°45′21″N 5°23′42″W / 36.755833333333°N 5.395°W / 36.755833333333; -5.395
Wikimedia Commons: Guadalete

Guadalete er ei lita elv i Spania i provinsen Cádiz. Ho spring ut i Sierra de Grazalema naturpark om lag 1000 meter over havet og renn 157 km før ho munnar ut i Cádizbukta ved El Puerto de Santa Maria, sør for byen Cádiz. Namnet på elva kjem frå det arabiske uttrykket som tyder «Gløymsleselva».

Elva renn gjennom nokre av «Dei kvite landsbyane» i Andalusia, slik som Arcos de la Frontera. Vía Verde de la Sierra, ein 36 km lang sykkelveg langs ei gammal jernbanelinje går òg langs elva.

Elva var ein gong grens mellom den kristne og mauriske delen av Den iberiske halvøya, og fekk kallenamnet Río de los Muertos, «Dødeelva».

Elva var åstad for slaget ved Guadalete, der den vestgotiske armeen vart slått av ein invaderande muslimsk arme. Dette førte til at Ummayad-kalifatet erobra Iberia.