Gregg Allman

Gregg Allman
Allman i 1975
Fødd	8. desember 1947(1947-12-08)
Fødestad	Nashville i USA
Død	27. mai 2017 (69 år)
Dødsstad	Richmond Hill, Georgia i USA
Fødenamn	Gregory LeNoir Allman
Opphav	USA
Aktiv	1960–2017
Sjanger	Blues rock southern rock gospel country
Instrument	Vokal klaverinstrument gitar
Stemmetype	baryton
Tilknytte artistar	The Allman Brothers Band Gregg Allman Band The Allman Joys The Hour Glass
Plateselskap	Liberty Capricorn Warner Bros. Epic Rounder
Verka som	Musikar
Gift med	Shelley Kay Winters, Janice Blair, Cher, Julie Bindas, Danielle Galiana, Stacey Fountain, Shannon Williams
Sambuar med	Mary Lynn Sutton, Shelby Blackburn
Born	Michael Allman, Devon Allman, Elijah Blue Allman, Island Allman, Layla Brooklyn Allman
Prisar	Americana Lifetime Achievement Award for Performance, Maple Blues Awards

Gregory LeNoir Allman (8. desember 1947–27. mai 2017) var ein USA-amerikansk songar, låtskrivar og musikar. Han var mest kjend som opphavleg medlem i The Allman Brothers Band. Allman vokste opp med ei interesse for rhythm and blues , og The Allman Brothers Band blanda dette med rock, jazz og country. Han skreiv fleire av dei mest kjende songane til bandet, som «Whipping Post», «Melissa» og «Midnight Rider». Allman hadde òg ein suksessrik solokarriere og gav ut sju studioalbum. Han voks opp med broren Duane i Nashville i Tennessee, før dei flytta til Daytona Beach i Florida.

Han og broren skipa The Allman Brothers Band i 1969, og dei slo gjennom i 1971 med konsertalbumet At Fillmore East. Kort tid etter omkom Duane i ei motorsykkelulukke. Bandet fortsette med Brothers and Sisters (1973) som vart det mest suksessrike albumet deira. Allman byrja solokarrieren sin med Laid Back same året, og var kanskje mest kjend for ekteskapet sitt med popstjerna Cher for resten av tiåret. Han fekk ein uventa sein hit med songen «I'm No Angel» i 1987, og det sjuande soloalbumet hans, Low Country Blues (2011), oppnådde den høgaste plasseringa på albumlista i karrieren hans. Gjennom heile livet sleit Allman med alkohol- og dopmisbruk, noko som danna grunnlaget for memoarane hans My Cross to Bear (2012). Det siste albumet hans, Southern Blood, kom ut posthumt den 8. september 2017.

Allman spelte Hammondorgel og gitar, og hadde ei sjelfull røyst. For arbeidet sitt innan musikk vart Allman rekna som ein pioner innan southern rock^[1] og han fekk mange prisar, inkludert ein Grammy. Han vart innlemma i Rock and Roll Hall of Fame og Georgia Music Hall of Fame. Den markante røysta plasserte han på 70. plassen på lista til Rolling Stone over dei 100 beste songarane gjennom tidene.^[2]

Studio

• Laid Back (1973)
• Playin' Up a Storm (1977)
• Two the Hard Way (1977) (med Cher)
• I'm No Angel (1987)
• Just Before the Bullets Fly (1988)
• Searching for Simplicity (1997)
• Low Country Blues (2011)
• Southern Blood (2017)

Konsertalbum

• The Gregg Allman Tour (1974)
• Gregg Allman Live: Back to Macon, GA (2015)

Commons har multimedium som gjeld: Gregg Allman

• Offisiell nettstad