Buskhokko
| Buskhokko | |
 Buskhokko | |
| Utbreiing og status | |
Status i verda:  Livskraftig Utbreiinga av Buskhokko | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Hønsefuglar Galliformes |
| Familie: | Hokkoar Cracidae |
| Slekt: | Ortalis |
| Art: | Buskhokko O. guttata |
| Vitskapleg namn | |
| Ortalis guttata | |
Buskhokko (Ortalis guttata) er ein medlem av hokkofamilien som lever i vestlege til sørlege område av Amazonasbassenget i Sør-Amerika.
Skildring
[endre | endre wikiteksten]Dette er ein liten til mellomstor hokko, ca. 49-55 centimeter i kroppslengd. Fjørdrakta har brun overside som blir mørkare mot nakke og hovud, hals og bryst har små kvite flekker, undersida er lysare brun. Dei har ein raud naken hudsekk i strupeområdet. Nebbet er blåleg, beina er rosa.[1]
Utbreiingsområdet for nominatforma er i Colombia frå søraustlege Boyacá-departementet og sørover aust for Andesfjella, i Ecuador og Peru aust for Andes. Dessutan store delar av Bolivia nord for Cochabamba og i Amazonas i Brasil med nordgrense omtrent langs Rio Negro og Vaupés. Ein underart, O. g. remota finst i eit avgrensa isolert område sør i Brasil, i delstatane Mato Grosso do Sul, lengst aust, og i tilgrensande, nordre São Paulo.[2]
Buskhokkoar lever i varierande typar av skog eller i utkanten av skog, og beitar ofte lågt i tre, skjult av lauvverk. Dei kan gå ned på bakken og meir sjeldan høgt opp i trekroner. Habitater er i lågland og for eksempel i Peru helst under 1700 moh. og under 1100 moh i Ecuador. I Ecuador er dei mest talrike med nærleik til vatn.[1] Dei beitar i grupper på 4-6 fuglar og føda er ofte frukt.
Storleiken på populasjonen er ikkje estimert, men arten er klassifisert som globalt livskraftig, LC.[2] Nominatforma er vanleg i delar av utbreiingsområdet, i alle landa.[3]
Kjelder
[endre | endre wikiteksten]- Referansar
- ↑ 1,0 1,1 Ridgeley, Robert S. Paul J. Greenfield, The Birds of Ecuador vol II, Christopher Helm London (2001) ISBN 0-7136-6117-8
- ↑ 2,0 2,1 BirdLife International (2021) Species factsheet: Ortalis guttata. Henta frå http://www.birdlife.org den 16. januar 2021
- ↑ Kirwan, G. M., J. del Hoyo, N. Collar, and D. A. Christie (2020). Speckled Chachalaca (Ortalis guttata), version 1.0. In Birds of the World (red. S. M. Billerman, B. K. Keeney, P. G. Rodewald, and T. S. Schulenberg). Cornell Lab of Ornithology, Ithaca, NY, USA. https://doi.org/10.2173/bow.specha3.01
