Bryher i Scillyøyane

Bryher
Hell Bay på Bryher
Geografi
Stad	Nord-Atlanteren
Koordinatar	49°57′16″N 6°21′20″W / 49.9544°N 6.3555°W / 49.9544; -6.3555
Øygruppe	Scillyøyane
Areal	1,32 km²
Administrasjon
Land	England
Grevskap	Cornwall
Demografi
Folketal	83 (2009)
Folketettleik	63 /km²

Bryher er den minste av dei fem busette øyane i Scillyøyane. Ho har 83 innbyggjarar (nov. 2009) og eit areal på 1,32 km².

Bryher ligg vest for Tresco og mellom dei ligg Trescokanalen, der sandflater kjem til syne ved lågvatn. Sør for Bryher ligg den folketomme øya Samson. Det er mogeleg å gå mellom dei tre øyane når tidvasstilhøva er dei rette til visse tider av året.

Bryher er kornisk for «ås-staden» og det er fleire åsar på øya, mellom anna Watch Hill, som er eit utkikkspunkt, og Samson Hill heilt sør på øya. Øya har fleire sandsstrender, som Rushy Bay. Great Pool har status som Site of Special Scientific Interest (stad av særleg vitskapleg interesse).

Den kjende Hell Bay ligg på Bryher. I denne bukta, som vender ut mot det opne Atlanterhavet, forliste mange skip på 1700- og 1800-talet.^[1][2].

• Nettstaden til Bryher Arkivert 2011-07-16 ved Wayback Machine.
• Webkamera
• Bilete frå Bryher Arkivert 2009-01-08 ved Wayback Machine.