Atelier

Atelier (uttalt atelié eller atlié, frå fransk for fransk ‘verkstad’)^[1] er arbeidsrommet, studioet eller verkstaden til ein biletkunstnar, fotograf eller ein annan kreativ utøvar.^[2] Nemninga blir òg brukt om arbeidslokale for kunstindustri og enkelte typar skredderi og finare systover. Tilgang på naturleg lys er ofte viktig i eit godt atelier.

Ateliers libres var uformelle akademi som utvikla seg på 1800-talet; der det blei skaffa modellar, men ikkje gitt noka undervisning.^[2] Desse var ettertrakta av avantgarde-kunstnarar. Charles Gleyre sitt atelier blei brukt som møtestad for unge Monet, Renoir og Sisley,^[3] og det finst ei levande skildring av den uformelle omgangsforma i George du Maurier sin roman Trilby (1894).

• 
  L'atelier de Bazille (1870) av Frédéric Bazille
• 
  Viktor Tilgner in seinem Atelier av Hans Temple
• 
  P.S. Krøyer sitt atelier med nordvendt takvindauge.
• 
  Zdenka Braunerová sitt atelier i Roztoky
• 
  Ateliergammen til Nils Nillson Skum
• 
  Atelier i Tyskland (2017)

Commons har multimedium som gjeld: Atelier