Asinara

Asinara
Cala d'Oliva på Asinara
Geografi
Stad	Middelhavet
Koordinatar	41°04′N 8°16′E / 41.067°N 8.267°E / 41.067; 8.267
Øygruppe	Dei egadiske øyane
Areal	51 km²
Administrasjon
Land	Italia
Region Provins	Sardinia Sassari
Demografi
Folketal	700
Folketettleik	14 /km²

Asinara er ei øy i Middelhavet like nordvest for Sardinia i Italia. Ho har eit areal på 51 km² og om lag 700 innbyggjarar. Øya er fjellkledd med ein bratt klippekyst. På grunn av lite ferskvatn er det lite tre på øya og lågt kratt dominerer vegetasjonen. Øya har nyleg vorte omdanna til eit dyrereservat og marint reservat. Øya har nokre uvanlege dyr, inkludert ein bestand av ville albinoesel, som har gjeve øya sitt namn.

Asinara vart kjempa om mellom Pisa, Republikken Genova og kongedømet Aragon. I 1721 kom øya inn under Savoie sitt kongedømet Sardinia. I nyare tid har øya vorte nytta som ein stad der folk har vorte sett i karantene eller vore halde fanga. Ho vart nytta som ein krigsfangeleir under den første verdskrigen, og ein stad der fleire medlemmar av keisarfamilien frå Etiopia vart sendt under den italienske okkupasjonen av landet mellom 1936 og 1941. Eit fengsel for mafiamedlemmer og terroristar var i drift her fram til 1997.