Arjeplogs kommun

Arjeplogs kommun
kommune
Kommunevåpen
Land	Sverige
Len	Norrbottens län
Landskap	Lappland
Del av	Lappland i Sverige, Q18331966, Q61669431
Areal	14 494,09 km²
•  land	12 556,77 km²
•  vatn	1 937,32 km²
Folketal	3 116[1]  (2011)
Arjeplogs kommun 66°02′00″N 17°57′00″E / 66.033333333333°N 17.95°E / 66.033333333333; 17.95
Kart som viser Arjeplogs kommun.
Wikimedia Commons: Arjeplog Municipality

Arjeplog kommune ligg på svenske länet Norrbottens län i landskapet Lappland. Kommunen har grenser mot dei svenske nabokommunane Jokkmokk, Arvidsjaur og Sorsele og grensar òg mot Saltdal kommune i Noreg. Administrasjonssenter i kommunen er Arjeplog. Arjeplog er den fjerde største kommunen i Sverige i utstrekning med eit areal på 14 494,09 km².

Det finst over 8700 innsjøar og vassdrag i kommunen. Dei største vassdraga er Pite älv, Skellefte älv og Laisälven (sideelv til Vindelälven). Den djupaste innsjøen i Sverige, Hornavan, ligg i kommunen. Ein annan innsjø i kommunen er Tjålmejaure, kjend for sitt rike fugleliv. Nasjonalparken Pieljekaise, 13 naturreservat og eit område for faunavern ligg i kommunen.

Riksväg 95 mellom Skellefteå og grensa til Noreg går gjennom kommunen.

Arjeplog er den femte minste kommunen i Sverige målt i folketal med 3116 innbyggjarar og er den svenske kommunen med lågast folketettleik, berre 0,2 innbyggjarar/km².

Samisk har status som offisielt minoritetsspråk i kommunen^[2] og kommunen inngår i forvaltningsområdet for samisk språk i Sverige.

Arjeplog kommune hadde berre ein tettstad i 2005. Folketalet i tabellen er frå 31. desember 2005.

• 
  Arjeplog kyrkje.
• 
  Iggesjávrre
• 
  Arjeplog eldste bru, over Dainaksundet.

• Offisiell nettstad