Afrikadronningen

The African Queen

Regi	John Huston
Produsent(ar)	Sam Spiegel, John og James Woolf
Manus	John Huston, James Agee, Peter Viertel, C. S. Forester
Basert på	The African Queen
Medverkande	Humphrey Bogart, Katharine Hepburn, Robert Morley, Theodore Bikel, Peter Bull, Walter Gotell, Peter Swanwick, Richard Marner, Errol John
Klipp	Ralph Kemplen
Musikk	Allan Gray
Sjeffotograf	Jack Cardiff
Produksjonsselskap	Horizon Pictures
Distributør	United Artists, Netflix
Utgjevingsdato	1951, 19. august 1958 (Tyskland)[1]
Lengd	105 minutt
Opphavsland	USA, Storbritannia
Språk	engelsk
Sjanger	dramafilm, romantisk komedie, romanfilmatisering

Afrikadronningen (originaltittel: The African Queen) er ein britisk-amerikansk spelefilm frå 1951 regissert av John Huston. Humphrey Bogart fekk Oscar for beste mannlege hovudrolle for filmen.

Handlinga går føre seg i Tysk Austafrika der Rose Sayer (Katharine Hepburn) og bror hennar er misjonærar ved utbrotet av fyrste verdskrigen. Den gin-elskande Charlie Allnut (Bogart) og den slitne vesle dampbåten hans «African Queen» trafikkerer langs elva stasjonen ligg ved, og er einaste samband til omverda. Tyske styrkar går til åtak og øydelegg misjonsstasjonen i ein straffeaksjon. Bror til Rose makter ikkje situasjonen og døyr kort tid etter, forvirra, av feber. Rose flyktar med Charlie på båten hans. På ferda nedover elven overtaler ho Charlie til å gå til åtaka på ein tysk kanonbåt som herskar over innsjøen som elva munnar ut i, og senka det med sjølvlaga torpedoar.

Ferda nedover elven utgjer ein stor del av filmen, og dei to ulike karakterane forelskar seg i kvarandre. Etter nokre vendigar klarer dei å øydeleggja kanonbåten, men mister «African Queen». I siste scene sym dei over innsjøen mot tryggleik i form av breidda som høyrer til Belgisk Kongo.

• Humphrey Bogart som Charlie Allnut
• Katharine Hepburn som Rose Sayer
• Robert Morley som Rev. Samuel Sayer
• Peter Bull som kaptein på Louisa
• Theodore Bikel som 1. offiser
• Walter Gotell som 2. offiser
• Peter Swanwick som 1. offiser frå Shona
• Richard Marner som 2. offiser frå Shona