John Savio
| John Savio | |
 | |
| Statsborgarskap | Noreg |
| Fødd | 28. januar 1902 Bugøynes |
| Død |
9. april 1938 (36 år) |
| Yrke | grafikar, tresnitt, kunstmålar, grafikar |
| Far | Per Savio |
| John Savio på Commons | |
John Andreas Savio (fødd 28. januar 1902 i Bugøyfjord ved Bugøynes, død 9. april 1938 i Oslo)[1] var ein samisk grafikar som særleg arbeidde med tresnitt. Produksjonen hans var relativt stor, ca. 130 tresnitt, nokre lino-snitt og eit stort antal teikningar. I tillegg har han laga måleri og akvarellar.[2]
Liv og gjerning
[endre | endre wikiteksten]Savio var son av sørpolfararen Per Savio. Begge foreldra døydde før han var fylt fire år, og han vaks opp hos besteforeldra som dreiv ein handelsgard i Bugøyfjord.
Allereie som barn flytta han til Vardø for å gå på skulen, men han hadde dårleg helse og flytta til Kvæfjord ved Harstad på grunn av klimaet. Seinare gjekk han på gymnaset i Bodø og flytta deretter til Kristiania rundt 1919-1920. Han kontakta Statens håndverks- og kunstindustriskole, men det er ikkje klart om han har vore student der.[1]
Kort etter at han kom til Kristiania fekk han påvist tuberkulose og måtte fjerne den eine lunga. Etter sjukehusopphaldet fortsette han målarstudiane delvis på eiga hand. Han reiste rundt i store delar av landet og selde tresnitt og teikningar.
I 1930 debuterte Savio med ei separatutstilling i Tromsø. Nokre år seinare drog han til utlandet på studiereise; han var i Stockholm, København, Paris og London frå 1933 til 1935 og hadde eit lengre opphald i Paris i 1935 eller 1936. Han hadde ei utstilling i Paris i 1936 som fekk positiv omtale i pressa.[1]
Etter at han kom att til Oslo fekk han kontaktar som gjorde at han selde noko, men økonomien var framleis dårleg, det same var helsa. Han døydde i 1938 etter to vekers sjukehusopphald.
Museum vigd Savio
[endre | endre wikiteksten]Saviomuseet vart skipa i 1994 og held til i Kirkenes.[5]
Kjelder
[endre | endre wikiteksten]- ↑ 1,0 1,1 1,2 Norsk kunstnerleksikon, bind 3, N-So, Oslo: Universitetsforlaget, 1986, s.449-451, digital utgåve
- ↑ Om John Savio frå Savio.no
- ↑ «Kafferast 2»/«Káfe vuoššá 2» frå DigitaltMuseum
- ↑ «Kjærlighet på pinne»/«Soaddenjálggis» frå DigitaltMuseum
- ↑ Astrid Krogh; Sidsel Vik; Åse Pulk; Dan Robert Larsen (3. september 2016). «Verdens største Savio-samling kommer hjem til Finnmark». NRK Finnmark.
Bakgrunnsstoff
[endre | endre wikiteksten]- Savio-museet Arkivert 2007-09-28 ved Wayback Machine.