Botn
Ein botn er ein breerodert dal som ser ut som eit amfiteater. Botnane blir erodert av botnbrear og er vanlege landformer i Noreg. Botnane kan bli danna på stader det ellers ikkje er brear på grunn av lokale klimaforhold. Typiske botnar på den nordlege halvkula ligg i eit skuggeparti på ein nordvest-vendt fjellside og i le for den vanlege vindretninga, som gjer at snø blir akkumulert her.
Viss breen trekk seg bakover eller forsvinn kan endemorena nederst i botnen demme opp ein liten innsjø.
