कच्छ जिल्ला

कच्छ जिल्ला भारत देय्या गुजरात राज्यया दकले तःधंगु जिल्ला ख। थ्व जिल्लाया क्षेत्रफल ४५,६१२ चो.कि.मी दु।थ्व जिल्ला लेह धुंका भारत देय्या दकले तःधंगु जिल्ला ख। प्राचीन महानगर धोळावीरा कच्छ जिल्लाया खडीर प्रदेशय् ला।

कच्छया उत्तर दिशाय् पाकिस्तान, पश्चिम दिशाय् अरबी समुद्र व दक्षिणय् कच्छया अखात ला। कच्छया उत्तर व पूर्व भागय् कच्छया रण ला। कच्छया पूर्व दिशाय् रण धुंका बनासकांठा जिल्ला दु।

कच्छय् करिब ९५० गां दु। थ्व जिल्लाया तालुका थ्व कथं दु-

कच्छय् भाषा कच्छी व गुजराती भाषा ल्हाइगु या।

अबडासा, मांडवी, भुज, मुन्द्रा, अंजार व रापर गुजरात विधानसभाय् खुगु धारासभा थाय् दु। थ्व जिल्लाया मू नगर अंजर, भचौ, भुज, कन्द्ला, मन्द्वी, मुन्द्रा आदि खः।

थ्व थासय् लूगु अवषेशया आधारय् कच्छ प्राचीन सिन्धु लहनाया भाग जूगु विश्वास दु। इ.स. १२७०इ कच्छ छगू स्वत्रंत्र प्रदेशया रुपय् पलिस्था जुल। इ.स. १८१५य् कच्छ ब्रिटिश साम्राज्य या प्रभाव खनेदत व कच्छया महाराजां ब्रिटिश सत्ता स्वीकार यात। इ.स. १९४७य् भारतया स्वतंत्रता धुंका कच्छ भारतया तत्कालिन 'महागुजरात' राज्यया छगू जिल्ला जुवन। १९५०इ कच्छ भारतया छगू राज्य जुवन। नोभेम्बर १ १९५६खुनु कच्छ मुंबई राज्य या अधीनय् लावन। १९६०इ भाषाया आधारय् मुंबइ राज्य महाराष्ट्र व गुजरातय् बायावन। थ्व विभाजनं कच्छ गुजरातया छगू भाग जुवन।

१९४७य् भारतया बायेज्या धुंका सिन्ध व कराचीया बंदरगाह पाकिस्तानया भूभाग जुवन। स्वतन्त्र भारत सरकारं कंडलाय् छगू बंदरगाह विकास यायेगु निर्णय यात। कंडला बंदर पश्चिम भारतया छगू महत्वपूर्ण बंदरगाह ख।

इतिहासय् १६ जून १८१९ खुनु कच्छय् भुखाय् वन। ज्यानुवरी २६, २००१य् वःगु तःधंगु भुखाय्या केन्द्र कच्छ ख। कच्छया १८५ दँया भूस्तरशास्त्रीय इतिहासय् थ्व दकले तःधंगु भुखाय् ख।

सन् २०११स जनगणना कथं थ्व जिल्लाया तहसील व ग्रामीण जनसंख्या थ्व कथं दु-

• panjokutch.com
• कच्छया पोर्तल

विकिमिडिया मंका य् थ्व विषय नाप स्वापु दुगु मिडिया दु: Kutch district