Wounded Knee

Wounded Knee (up Platt: verwunnt Knee oder versehrt Knee) is en Oort in de Pine-Ridge-Reservatschoon in den US-Bundsstaat South Dakota. Sien Naam hett he vun en lüttje Beeke, de in den White River rinfleten deit. Dat is de Wounded Knee Creek. So, as dat in dat Johr 2000 tellt wurrn is, leevt dor 328 Inwahners up 2,8 km².

Düsse Oort is bekannt wurrn dör twee Schehnissen in de Historie: Eenmol dat Massaker bi Wounded Knee an'n 29. Dezember 1890, as de US-Armee 200- 300 Lakota-Indianers ümbröcht hett, dormank Froenslüde un Kinner. Un denn noch dör den Wounded-Knee-Vörfall in dat Johr 1973, as Aktivisten vun dat American Indian Movement den Oort besett hefft.