Wolf-Dietmar Stock

Wolf-Dietmar Stock (* 1. März 1942 in Neuhausen) is en düütschen Maler, Galerist un Verleger.

Stock is 1942 in Neuhausen bi Königsbarg boren un is 1945 as Verdrevenen mit siene Öllern na Eiten kamen un dor opwussen. He hett later Philosophie, Theologie un Pädagogik an de Universitäten Tübingen, Göttingen un Hamborg studeert. Na dat Studium hett he veer Johr lang as Schoolmeester in Bremen arbeidt. He hett al in siene Studententied den Maler Alfred Wiegmann kennenlehrt, de em Ünnerricht geven un ok ünnerstütt hett, dat he man Kunst studeren schull. Von 1971 af an hett Stock in Paris an de Académie de la Grande Chaumière Kunst studeert, ünner annern bi Michel Rodde un Yves Brayer. Siet 1974 leevt he in Hu’e-Breednau. He hett dor 1975 den Verlag Atelier im Bauernhaus grünnt, de vör allen Böker ut de Region rutbringt.

• Websteed von’n Verlag Atelier im Bauernhaus (hoochdüütsch)