Wynoochee

De Wynoochee weern en Indianerstamm in Süüdwesten vun de hüdige US-Bundsstaat Washington. Kulturell hörrn se to de Küsten-Salish. Se levten an de Wynoochee River, de in de Chehalis River münd.

Se stunnen in eng verwandtschaplichen Beziehungen to de Whiskah, so eng, dat 1870 de tostännig Superintendent of Indian Affairs, Samuel Ross, vermooden dee, dat de beid Gruppen fröher Mal en gemeensamen Stamm bild harrt hebbt. He hett bericht, dat de Stammen vun de Hoquiam, Whiskah, Satsop un Wynoochee um disse Tiet rum etwa 350 Liddmaaten umfaaten deen. De Hööftling sall „Sam“ ween hemm. Mögelkerwies kreegen de Wynoochee, de neben hör traditschonell Levenswies Ööstern fungen, af 1853 Geschenke vun de Indianeragenten, vör allen Spirituosen.

De Wynoochee weern nich bi de Verdrääg bedeeligt, de dat Territorium Washington siet 1854 mit tallriek Stammen afsluuten dee. 1874 hebbt se, folgt man den Bericht vun den tostännigen Agenten H. D. Gibson an den Commissioner of Indian Affairs van’ 28. September, to en vun de beid Indianeragenturen mit Naam „Chehalis“ un „Shoal Water Bay“ hörrt. Gibson hett sück dorför utspraken, de Reservate uptolösen un de dortig Gruppen in de Puyallup Reservation umtosiedeln.

Völfack wurrn diesse Gruppen pauschal as „Grays Harbor Indians“ betekent. En vun de mit Naam Chinoise is noch in de 1880er Johren nah Oakville reist, um düütlich to maken, dat de Indianer, de nich umtrecken wullen, immer noch en Reservat wünschen deen.

Wannehr sück de Stamm der Wynoochee endgültig uplöst hett, kann man woll nich mehr faststellen.

• Robert H. Ruby/John A. Brown: A Guide to the Indian Tribes of the Pacific Northwest, University of Oklahoma Press 1992, S. 271.

• List van Indianer up de noordamerikaansche Kontinent