Umberto Cagni

Umberto Cagni (* 24. Februar 1863 in Asti; † 22. April 1932 in Genua) weer en italiensch Forscher un Admiral.

Umberto Cagni weer de Söhn vun en General ut Piemont. As he 14 Johr old weer, is he eerst in de Marineschool in Neapel intreden, is denn aber an de Marineschool in Genua wesselt, de he 1881 as Leutnant to See afslooten hett. Van 1882 bit 1885 hett he an en Weltumrunden up dat Kriegsschipp Vettor Pisani deelnemmen un 1895 hett he up dat Schipp Cristoforo Colombo nochmal en Welreis maken, de 4 Johr düern dee. Een vun dat Franz Joseph Land ut start Expeditschon to de Nordpol is fehlslahn, aber tosommen mit Ludwig Amadeus von Savoyen hett he de Noorddeel vun dat Franz Josef Land kartografeert. In dat Johr 1900 hebbt se tosommen de Gebirgsregionen in Alaska erforscht.

Anfang 1909 teken he sück bi de Rettungsinsatz nah dat Erdbeven bi Messina besünners ut.

1911 föhr he bi de italiensch-törkisch Krieg den eersten italienschen Landungsverband in Libyen. In' Eersten Weltkrieg befehlig he en Krützergeschwader, en Flottenkommando in Brindisi un de Marinestöttpunkt in La Spezia.

Admiral Umberto Cagni is 1923 ut den aktiven Deenst utscheden un hett dornah noch en paar Ehrenämter övernommen.