U Thant
Sithu U Thant, (* 22. Januar 1909 in Pantanaw, Irawadi-Division, Birma; † 25. November 1974 in New York, USA) is en Politiker ut Birma ween. Vun 1961 bit 1971 weer he de drüdde Generalsekretär vun de Vereenten Natschonen.
Leven
[ännern | Bornkood ännern]
(LBJ Library photo by Yoichi R. Okamoto)
Na de Scholen is U Thant toeerst sülms in'n Schooldeenst ween. 1945 hett he, tohopen mit U Nu, unner General Aung San, bi den Striet um Birma siene Freeheit gegen de Japaners mitmaakt. 1947 is he unner Ministerpräsident U Nu Informatschoonsminister wurrn. Vun 1957 bit 1961 weer he Birma sien Afordenten bi de UNO. As de ehr Sekretär Dag Hammarsköld mit'n Fleger afstört is, is U Thant toeerst mol för'n Övergang sien Nafolger wurrn. En Johr later is he denn as drüdden Generalsekretär vun de Vereenigten Natschonen insett' wurrn. En tweete Amtstied vun 1966 bit 1971 is denn noch nakamen. In den Striet twuschen de unnerscheedlichen Mächte (Kolen Krieg, Kuba-Krise, Börgerkrieg up Zypern, Vietnamkrieg un Striet in Nahoost) hett he, just so, as sien Vorweser, versocht, en Utgliek twuschen de groten Mächte ehre Interessen hen to kriegen un jem an en gemeensam Disch to nögen. Man he hett dat nich henkregen, den Infloot vun de UNO duerhaftig grötter to maken. Jummers mehr hett he tosehn, datt Länner ut de Drüdde Welt vöranbröcht wurrn sünd. 1973 hett he den Minschenrechtspries vun de Vereenten Natschonen kregen.[1]
Dood
[ännern | Bornkood ännern]Sithu U Thant is an'n 25. November 1974 in New York an Lungenkrebs sturven. Sien doden Lief is na siene Heimat Rangun bröcht wurrn. Man dor hett de Staatspräsident Ne Win en ehrenhaftig Gräffnis nich tolaten wollt. Kort för dat offizielle Gräffnis hefft em, an'n 5. Dezember 1974, Studenten wegsleept un em inkuhlt bi de Studentenunion vun de Universität vun Rangun (RUSU), de 1962 in Dutt maakt wurrn weer. Dor hefft se em en Mausoleum boot. An'n 11. Dezember 1974 sund dor Suldaten henstörmt un hefft dor en paar Studenten bi umbröcht. Dat dode Lief is dor bi wegnahmen wurrn un an den Foot vun de Shwedagon-Pagode to'e Eer bröcht wurrn. Vunwegen düsse Aktschoon hett dat Proteste vun Studenten in Rangun geven un de Regeerung hett den „Utnahme-Tostand“ verföögt. Düsse ganze Saak is as „U-Thant-Krise“ bekannt wurrn.
Belege
[ännern | Bornkood ännern]- ↑ United Nations Human Rights[1], List of previous recipients vun'n 2.4.2008, togrepen an'n 29.12.2008
Gladwyn Jebb (komm.) | Trygve Lie | Dag Hammarskjöld | Sithu U Thant | Kurt Waldheim | Javier Pérez de Cuéllar | Boutros Boutros-Ghali | Kofi Annan | Ban Ki-moon | António Guterres