Sood

Sood (pl. Sööd) is een Bowark dat brukt ward, üm an deeper liggende Water to kamen. Hernomen ward dit Water too’n Drinken för de Minschen, ebenso as Drank för de Deirten.

Fröher all hebbt de Minschen Löcker in der Eer graavt, üm an dat Water to kaamen, wat se denn mit een Ammer an’n Seel hoch treckt hefft. Jichenswann keem jüm woll de Infall, een hölten Kassen oder een muerten Ring üm dit Lock to stellen, wiel denn keen Minsch oder Deirt in dat Lock fallen köön. Öber ditt Bowark wöör denn wat lööter ok een hölten Stell opboot, wo’an dat Seel mit een Winn too’n Ammer hochtrecken fastmookt weer.

Hüttodags ward mit gröötere Moschinen een Lock in’ne Eer boort, dor koomt ein Iesen- oder Plastikrohr rin un dat Water ward mit een Pump hochbrööcht.

Anfungen sünd de Minschen woll all vör 8000 Johr, op disse Oort an Water to kamen, wat se nödig harrn.