Simon Sinowjewitsch Alapin

Simon Sinowjewitsch Alapin (russisch:Семён Зино́вьевич Ала́пин, wetenschaplich Transliteratschoon: Semen Zinovjevič Alapin; * 19. November 1856 in Sankt Petersburg^[1]; † 15. Juli 1923 in Heidelbarg) weer en bedüüdend russisch Schachmeester un -theoretiker.

Alapin hett in Heidelbarg studeert un hett dornah as Koopmann un Vertreeder vun en Exporthuus in Berlin un Paris arbeit. Dordör keem he to Geld un wurr finanziell unafhängig. He leet sück in Berlin daal un hett sück de Berliner Schachgesellschaft anslooten.

Siet Enn’n vun de 1870er Johren hett he sück blots noch mit Schach befaat. Bi dat stark besett natschonale Turnier vun Sankt Petersburg 1878/1879 wurr he gemeensam mit Michail Tschigorin Eerst, verlor aber gegen hüm in’n Steekkamp. Neben Tschigorin un Emanuel Schiffers tell Alapin af denn to de starksten Speler vun Russland.

He hett mehrere Wettkämpe bestreeden: 1880 verlor he gegen Michail Tschigorin in St. Petersburg mit 3:7 (+3 =0 −7), 1893 wunn he gegen Curt von Bardeleben mit 3,5:1,5 (+3 =1 −1), 1899 reck he gegen Carl Schlechter en 3:3 (+1 =4 −1) un 1907 hett he Stepan Lewizki glatt mit 5-0 slahn.

To sien Turniererfolgen tellen de goot Resultate in Wien 1899 (4. Platz), Wien 1901 (2. Platz), Monte Carlo 1901 (5. Platz), St. Petersburg 1906 (1. Platz), Łódź 1908 (2. Platz), München 1909 (2. Platz) un 1911 (1. Platz vör Rudolf Spielmann, Rosenthal un Hans Fahrni). 1911 verlor he gegen Rudolf Spielmann in München mit 3,5:6,5 (+3 =1 −6).

Van 1898 bit 1901 hett he in Berlin en eegen Schachzeitung ünner den Titel Der Schachfreund herutgeeven. 1913 hett he Russland verlaaten. In dat sülvig Johr keem vun hüm in Heidelbarg ünner den glieken Titel en Handbook för Anfänger herut.

Alapin tell to de bedüüdenst Schachtheoretikern vun sien Tiet. Nah hüm sünd nöömt:

• dat Alapin-Anspeel (1. e2–e4 e7–e5 2. Sg1–e2)
• de Alapin-Variante in de Siziliaansch Verteidigung (1. e2–e4 c7–c5 2. c2–c3)
• de Alapin-Variante in de Spaansch Partie (1. e2–e4 e7–e5 2. Sg1–f3 Sb8–c6 3. Lf1–b5 Lf8–b4)
• ei wenig bekannt Gambit in de Franzöösch Verteidigung: 1 e2–e4 e7–e6 2. d2–d4 d7–d5 3. Lc1–e3 (Alapin-Diemer-Gambit).

Vergeeten wurrn is, dat Alapin ok en vun de Hööftvarianten vun de Slaawsch Verteidigung as Eerst theoretisch ünnersöcht hett. Nahdem Alapin sien Analysen dorto herutbrocht harr, kreeg dat Afspeel 1. d2–d4 d7–d5 2.c2–c4 c7–c6 2.Sg1–f3 Sg8–f6 4.Sb1–c3 d5xc4 5.a2–a4 Lc8–f5 oorsprünglich den Naam Alapin-Verteidigung des Damengambits.^[2]

Alapins hööchste historsch Elo-Tall vun 2688 reck he in’n Februar 1898, womit het den 10. Platz in de Welt innehm. In’n Juli 1902 hörr he to de acht besten Spelern weltwiet.^[3]

• Zur Theorie der Spanischen Partie. Schachanalytische Studie von S. Alapin. St. Petersburg 1896 (Broschüre).
• Zum Kapitel Frauen-Wahlrecht. Heidelberg 1917. [1]

• Indrag in de DNB
• Lütt Biografie un Schachpartien up chessgames.com (engelsch)
• Nikolay Minev: [ https://web.archive.org/web/20140709013510/http://www.chesscafe.com/text/skittles300.pdf] Historical Perspectives on Chess (engelsch; PDF; 449 kB, afropen an’n 5. April 2021)
• Biographical data about endgamestudy composers/authors (engelsch)

1. ↑ Eenige Borns geven Vilnius as Gebortsoort an, kiek Chesshistory.com.
2. ↑ Alfred Brinckmann: Schachmeister wie sie kämpfen und siegen, Leipzig 1932, S. 30ff.
3. ↑ Sonas Bereeken to de historsch Elo-Tall vun Alapin