Samtgemeen Loomst

Wapen/Flagg	Koort
Basisdaten
Sitt:	Loomst
Landkreis:	Cuxhoben
Flach:	177 km²
Inwahners:	6062 (31. Dezember 2016)
Geograafsche Laag:	53° 38′ N, 9° 6′ O
Gemeenslötel:	03 3 52 404
Tall Gemenen:	5
SG-Börgermeester:	Holger Meyer
Websteed:	www.boerde-lamstedt.de

De Samtgemeen Börde Loomst is en Samtgemeen in’n Landkreis Cuxhoben, in de sik fief Gemenen för de Afwickeln vun de Verwaltenssaken tohoopslaten hebbt. Se hett 6062 Inwahners (Stand 31. Dezember 2016).

De Navers sünd de Samtgemeen Land Hadeln in’n Noorden, de Samtgemeen Hemmoor in’n Noordoosten, de Samtgemeen Olendörp-Himmelpoorten un de Stadt Bremervöör in’n Süüdoosten, de Samtgemeen Geestborn in’n Süden un de Stadt Geestland in’n Süüdwesten.

An’n 27. Februar 1963 hebbt sik 13 vun de 16 Gemenen vun de Börde Loomst in en Samtgemeen tohoopslaten. Dat weren: Abbenseet, Doornsood, Hockmöhlen, Hollen, Ihlbeek, Loomst, Langenmoor, Mittelsnohn, Maurismaur, Neebachenbrook, Nordahn, Varrel un Wohlenbeek. Mit de Gemeenreform vun 1972 hebbt sik de 13 Gemenen to fief ne’e Gemenen tohoopslaten.

To de Samtgemeen höört de fief Gemenen:

1. Armsdörp
2. Hollnseth
3. Loomst (Sitt vun de Verwalten)
4. Mittelsnohn
5. Stinst

Liddmaten:

• 2016:

  CDU: Dietmar Bodenstein, Jan Bornemann, Dirk Buhbe, Klaus Busch, Werner Klintworth, Manfred Knust, Jürgen Lafrenz, Holger Möller, Cord-Johann Otten, Axel Quast, Helmut Steffens, Sandra Steffens, Peter Tiedemann, Harry Wesch

  SPD: Nivaashini Arulrajasingham, Lars Ribler, Andreas Wehber, Norbert Zander

De Samtgemeenbörgermeester is siet 2013 Holger Meyer.

Werner Otten is 2013 Ehrensamtgemeenbörgermeester worrn. Ok Martin Steffens un Klaus Wiesen sünd Ehrensamtgemeenbörgermeesters.

Siet den 6. Juni 1992 hett Loomst en Partnerschop mit Grotendörp in Polen.

1. ↑ Daten von dat Landsamt för Statistik Neddersassen

• Websteed vun de Samtgemeen (hoochdüütsch)

Samtgemenen in’n Landkreis Cuxhoben

Loomst | Hemmoor | Land Hadeln