Rotwelsch

Rotwelsch is en Begreep för de Spraak vun de Monarchen, Prachers, Ganoven un anner Lüüd, de över’t Land tagen sünd. De Spraak harr wat vun en Geheemspraak, de för Lüüd, de nich inwieht weren, man kuum to verstahn weer. De Grundbestand an Wöör keem ut dat Hoochdüütsche. Vör allen ut dat Jiddische un ut de Spraak vun de Taters hett de Spraak aver veel Wöör övernahmen. En Reeg Wöör sünd ut dat Rotwelsche aver ok wedder in de hoochdüütsche Ümgangsspraak övergahn (un deelwies ok in’t Plattdüütsche).