Kijong

Kijong (koreaansch 기정동) is en Dörp in’n Kreis Panmun in de Industrieregion Kaesong, Noordkorea, dat in de Demilitariseerte Zoon liggt. De Oort is knapp 1,8 Kilometer vun Taeseong weg, wat de eenzige Oort in de Demilitariseerte Zoon süden de Grenz is. In Noordkorea warrt to dat Dörp ok Fredensdörp (평화촌) to seggt, in Süüdkorea is dat Dörp ok as Propagandadörp (선전마을) bekannt.

In’n Oort is de Buuree-Kooperativ vun Panmun mit so bi 200 Huushollen. Kijong hett en Kinnergoorn, en Kinnerkrüff, en Middelschool un en Krankenstatschoon. Dor steiht ok vun een vun de hööchsten Fahnenmasten op de Welt. De Mast is 160 Meter hooch un de Fahn weegt 136 Kilogramm.

In Süüdkorea seggt se aver, dat de Oort blot ut Propagandagrünn in de Demilitariseerte Zoon opboot worrn is un keen echte Inwahners hett. Duurhaft dor sünd na de Süüdkoreaners blot Soldaten.

Koordinaten:37° 57′ N, 126° 39′ O