Ken Peplowski
Kenneth Joseph „Ken“ Peplowski (* 23. Mai 1959 in Cleveland, Ohio) is en US-amerikaansch Klarinettist vun den Mainstream Jazz.
Peplowski is all mit 10 Johr apenlich uptreden un speel tonächst in dat Familienorchester (sien Bröer Ted speel Trompeet) un in Polka-Orchestern in de Gegend um Cleveland, hett sück aber in sien High-School-Tiet den Jazz towendt. 1978 bit 1980 tour he mit dat „Ghost-Orchestra“ vun Tommy Dorsey ünner Buddy Morrow (Altsaxophon, aber ok Klarinett), to de Peplowski mit sien Quartett up en Jazzfestival in Cleveland anhörrn dee. Während disse Touren harr he ok Gelegenheit, bi Sonny Stitt to studeeren. 1980 truck he nah New York, wo he in ünnerscheedlich Jazz-Richten speel. Af 1984 weer he as Tenorsaxophonist Liddmaat vun dat (twee Johr för sien Dood vun Benny Goodman ne upleggt) Bennie-Goodman-Orchester. He beschreev Goodman, mit de he faken vergleken wurrd[1], as harten („extremely tough“) Bandleader, de allerdings tegen sück genauso hart weer as tegen annern un mit de he aber good togang keem[2].
Af 1987 nehm he för Concord Records up: So hett he Mel Tormé un Rosemary Clooney begleit; över 20 Alben speel he as Leader in, u. a. in‘ Duett mit de Gitarristen Howard Alden. Sien „The Natural Touch“ kreeg 1992 den Pries vun de Düütsch Schallplattenkritik. He hett ok Alben bi Nagel-Heyer un Arbors Records verapenlicht. Ok mit Alec Dankworth hett he tosommen speelt. Peplowski is up den Soundtrack vun verscheeden Woody-Allen-Filme to hörrn. 2007 wurr he Berader in Saken Jazz för dat Oregon Festival of American Music un hett de Jazzpartys in dat John G. Shedd Institute of the Arts in Eugene (Oregon) leit.
Neben Klarinett speelt he ok Tenor– un Altsaxophon.
Weblenken
[ännern | Bornkood ännern]- Persönlich Webpräsenz
- Ken Peplowski bi Allmusic
- Biographie up Jazzparty at The Shedd
- Ken Peplowski in de Katalog vun de Deutsche Nationalbibliothek
- Personennaamdatei