Kyros de Grote

Kyros de Grote 𐎤𐎢𐎽𐎢𐏁 Kuruš
Personen-Informatschoonen
Boortsdag	ümme 590 v. Chr. – 580 v. Chr.
Doodsdag	August 530 v. Chr.
Kunnig för	Köning van Persien Medien Lydien Babylonien

Kyros de Grote, ook Kyros II. (ooldpersisch: 𐎤𐎢𐎽𐎢𐏁 Kuruš, persisch کوروش بزرگ Kurosch-e bozorg, babylonisch Kuraš, elamisch Kuraš, aramääsch Kureš, hebrääsch כורש Koreš, ooldgreeksch, latiensch Cyrus; * ümme 590 v. Chr. – 580 v. Chr.; † August 530 v. Chr.) was de Sune van Kambyses I., un beheersche Persien in de Tied van 559 bet 530 v. Chr. os de sesste Köning in de Achämeniden-Dynastie.^[1] Sien öldste Sune Kambyses II. folge enne up den Throon.

Kyros hadde med siene Expanschooonspolitik de Grensen van den vœrdem lütken Perserriek düchtig vergröttert un den Grundstten leggt för dat Riek, dat under sienen Nafolgers van Indien œver Iran, Babylon, Lüttasien bet na Ägypten lange un bet 330 v. Chr. bestaan bleev, eer dat Alexander de Grote dat Riek innamm.

Archäoloogsch Undersöök und de Ümmestand, dat vandage de Kielschrivttavels better to verstaan sind, brächten niege Insichten, de dat Bild up den histoorschen Kyros II. wat fiener maken konnen. Ol kort na sienen Dode kemen in’n Volke Legenden ümme Kyros den Groten up, de den Heerscher os enen idealen Köning schienen maken. De oolden Greken hadden düt positiv Bild œvernomen, so dat ook de Bibel de Sicht up Kyros II. os enen religiöös toleranten Heerscher œvernam un he bet vandage os een Ideaalbild för enen goden Köning un Heerscher geld.

Kyros de Grote. Mehr Biller, Videos oder Audiodateien to’t Thema gifft dat bi Wikimedia Commons.

Op Wikiquote gifft dat Zitaten to, över oder vun „Kyros de Grote“ (hoochdüütsch).

• Vörlaag:DNB-Portal

1. ↑ Josef Wiesehöfer: Kyros 2. In: Der Neue Pauly (DNP). Band 6, Metzler, Stuttgart 1999, ISBN 3-476-01476-2, Sp. 1014–1017, hier Sp. 1014.