Ilie Năstase
Ilie Năstase (* 19. Juli 1946 in Bukarest) is en ehmalg rumäänsch Tennisspeler, Politiker un Sportfunktschonär.
He weer en vun de Top-10-Spelers in de 1970er Johren. In de Johren 1972 un 1973 führ he de Tennis-Weltranglist an.
All tosommen wunn he 57 Eenzeltitel, dorünner ok de Titel bi de US Open 1972 un French Open 1973. In de Düppelkonkurrenz wunn he 1973 in Wimbledon, 1970 bi de French Open un bi de US Open 1975. He verlor aber in Wimbledon 1972 dat Eenzel-Finale tegen Stan Smith un 1976 tegen Björn Borg. Buterdem wunn he veer Mal dat Masters (1971, 1972, 1973 un 1975). Dormit is he bitlang de spoodriekst rumäänsch Tennisspeler. He wurr ok in all tosommen 146 Davis Cup-Wettstrieden insett.
1991 wurr he in de International Tennis Hall of Fame upnommen.
Năstase gung in de 1990er Johren in de Politik un hett sück för de Partei Partidul Social Democrat ahn Spood för dat Amt vun de Börgermeester vun Bukarest upstellen laaten, truck sück dornah aber ok weer ut de Politik torüch.
In' Mai 1997 wurr he to'n Präsidenten vun den Rumäänschen Tennisverband wählt un 2001 as ok in' Februar 2005 in't Amt bestätigt. In disse Tiet hett he sück um dat Inrichten vun en Tennisakademie in Bukarest bemüht. Nah en Gerichtsoordeel to sien Ungunsten as ok, wiel man hüm vörschmieten dee, Verbandsgelder to verschwenden, is he an' 12. Februar 2008 vun sien Posten torüchtreden.[1]
2006 weer he in den Speelfilm Montag kommen die Fenster vun Ulrich Köhler as Dorsteller to sehn.
Enkeld Nahwiesen
[ännern | Bornkood ännern]- ↑ Gazeta Sporturilor vom 12. Februar 2008, afroopen an' 25. Juli 2010 (rumäänsch)