Herbert Weicker
Herbert Weicker (* 4. September 1921; † 29. Mai 1997 in München) weer en düütsch Schauspeler un Synchroonsnacker.
Leben und Karriere
[ännern | Bornkood ännern]Sien eerst Rulle speel Herbert Weicker 1948 in Kurt Hoffmann sien Film Das verlorene Gesicht, wo he den Dr. Hasan dorstellen dee. In de 1950er un 1960er Johren harr he en Reeg vun lütt Nebenrullen in Filmen vun Regisseuren as Karl Georg Külb, John Reinhardt, Werner Jacobs, Yves Allégret, Harald Philipp, Rudolf Jugert, Jürgen Roland oder Harald Reinl.
1954 harr Weicker en lütt Rull as Barkeeper in den Helmut Käutner–Film Bildnis einer Unbekannten. 1957 speel he den Hurtado in de Kurt Hoffmann Verfilmen Bekenntnisse des Hochstaplers Felix Krull vun den glieknamigen Roman vun Thomas Mann. 1968 speel he in Karl Suter sien Kummedie Bonditis de Rull vun den Asketen. Siet den fröh 1960er Johren speel he todem in tallriek Rullen in bekannt un weniger bekannt düütsch Feernsehfilmen.
Bekannt wurr Weicker aber vör allen as markante Stimm vun Leonard Nimoy alias Spock in de US-amerikaansch Feernsehreeg Raumschiff Enterprise un ok in de dorup folgen Kinofilmen vun de Star Trek-Reeg in de 1970er, 1980er un 1990er Johren.[1] All tosommen hett he de Rull in 23 Johren 108 mal snackt.
He synchroniseer den Schauspeler Herbert Lom in all Folgen, in de Lom den Inspector Dreyfus in de vun Regisseur Blake Edwards schaffen Pink-Panther-Reeg speel.
Buterdem weer he faken de düütsch Stimm för Sidney Poitier un Christopher Lee as ok för nich to tellen Film- un Serienrullen in de 1960er- bit 1980er-Johren, as bispeelswies 1966 för den Piraten Dirk Taylor (Michel Charrel) in den ZDF-Avendüerveerdeeler Die Schatzinsel oder för den Grönen König in de Avendüer-Mehrdeeler Der Mondschimmel. Vör allen mit Eberhard Storeck hett he eng tosommenarbeit (Wickie und die starken Männer, Muppet Show un Die Fraggles).
Neben Filmsynchronisatschonen hett Herbert Weicker ok Deelen vun de Höörspeelprodukschoon Der Weltensegler snackt - en, as dat de Makers dat nömm deen, „audiophil Begeevnis“.
Dat weer aber ok sien letzte Arbeit, kört nah de Upnahmen keem he an’ 29. Mai 1997 bi en Autounfall to Dood.
Filmografie (Utwahl)
[ännern | Bornkood ännern]| Johr | Titel |
|---|---|
| 1948 | Das verlorene Gesicht |
| 1950 | Nacht ohne Sünde |
| 1953 | Straßenserenade |
| 1961 | Der Weg ist dunkel, Feernsehn |
| 1962 | Montserrat, Feernsehn |
| 1965 | Figaro läßt sich scheiden, Feernsehn |
| 1965 | Götterkinder – Eine ergötzliche Television aus vergangener Zeit, Feernsehn |
| 1965 | Ein Tag im April, Feernsehn |
| 1966 | Feine Herrschaften, Feernsehn |
| 1966 | Der Fall Mata Hari, Feernsehn |
| 1966 | Flieger Ross, Feernsehn |
| 1968 | Schinderhannes, Feernsehn |
| 1968 | Bonditis |
| 1968 | Phoebus oder Die Aalbucht, Feernsehn |
| 1971 | Das Abenteuer eines armen Christenmenschen, Feernsehn |
| 1973 | Black Coffee, Feernsehn |
| 1980 | Der Fall Walrawe, Feernsehn |
| 1992 | Das kleine Gespenst, Stimm |
Literatur
[ännern | Bornkood ännern]- Thomas Bräutigam: Herbert Weicker. In ders.: Stars und ihre deutschen Stimmen. Lexikon der Synchronsprecher. Schüren, Marburg 2009, ISBN 978-3-89472-627-0, S. 260
Weblenken
[ännern | Bornkood ännern]- Herbert Weicker in de Internet Movie Database (engelsch)
- DNB-Katalog
- Herbert Weicker in de Düütschen Synchroonkartei