Hank D’Amico

Henry „Hank“ D'Amico (* 21. März 1915 in Rochester (New York); † 3. Dezember 1965 in New York City) weer en US-amerikaansch Jazz-Klarinettist.

Hank D'Amico speel anfangs Vigelien, wessel denn aber to de Klarinett un harr in Buffalo (New York) eerste Uptreden. He fung sien Musikerkarriere in Bands an, de an de Grood Seen tüschen Chicago un Buffalo uptreden sünd. 1936 speel he bi Paul Specht un wessel gliek dornah to Red Norvo. 1938 is he mit en eegen Oktett in Radiosendungen uptreden; 1939 gung he för en körten Tied to Norvos Band torüch. 1940/41 speel he in dat Orchester vun Bob Crosby un weer 1941 Baas vun en eegen Bigband. D'Amico hett denn jeweils en körten Tiet in de Bands vun Les Brown, Benny Goodman un nochmals bi Norvo arbeit, bevör he as Studiomusiker för den Radiosender ABC in New York tätig weerr. Dorneben speel he mit Miff Mole un Tommy Dorsey. Nah teihn Johren bi ABC arbeit D'Amico 1954 bi Jack Teagarden. Dornah speel he meest in lüttgere Formatschonen un hett af un an eegen Gruppen leit. 1964 is he bi de Weltutstellung in New York mit dat Trio vun Morey Feld uptreden.

In de Loop vun sien Karriere hett D'Amico an Upnahmen mit vun Louis Armstrong, Mildred Bailey, Eddie Condon, Erroll Garner, Johnny Guarnieri, Coleman Hawkins, Horace Henderson/Buck Clayton, Max Kaminsky, Carl Kress, Wingy Manone, Charlie Shavers, Maxine Sullivan, George Wettling un Lester Young (1948) mitwarkt.

• Eddie Condon: Town Hall Concerts, Vol. 1 (Jazzology, 1944)
• Erroll Garner: 1944–1945 (Classics)
• Johnny Guarnieri: 1944–1946 (Classics)
• Red Norvo: Jivin´ the Jeep (Hep Records, 1936/37)
• The Complete Charlie Shavers with Maxine Sullivan (Avenue, 1957)

• Richard Cook & Brian Morton: The Penguin Guide to Jazz Recordings, 8th Edition, London, Penguin, 2006 ISBN 0-141-02327-9
• Leonard Feather and Ira Gitler, The Biographical Encyclopedia of Jazz. Oxford/New York, 1999, ISBN 978-0-19-532000-8

• Informatschonen bi Verve
• Biographie in Allmusic
• Personennaamdatei