Georgi Stepanowitsch Schonin

Georgi Stepanowitsch Schonin (russisch Георгий Степанович Шонин; * 3. August 1935 in Rowenki, Oblast Woroschilowgrad, Ukrainische SSR; † 7. April 1997 in Swjosdny Gorodok, Oblast Moskau, Russland) weer en sowjeetsch Kosmonaut.

Georgi Schonin hett 1957 sien Utbillen to'n Piloten an de Militärfleegerpilotenschool in Jeisk afslooten. Nahdem de Staatliche Tüschenbehördliche Kommission hüm an' 7. März 1960 to'n Kosmonauten utwählt harr, fung Schonin sien Grundutbillen för Kosmonauten OKP in' März 1960 an, de de Pilot an' 3. April 1961 afslooten hett. Toeerst für de Woschod-3-Mission vörsehn, is Schonin an’ 11. Oktober 1969 as Kommandant gemeensam mit Waleri Kubassow mit Sojus 6 in den Weltruum flagen. Hör Ruumschipp nehm an en Gruppenfloog tosommen mit Sojus 7 un Sojus 8 deel. Plaant weer en Kopplung vun Sojus 7 un Sojus 8, de vun Kubassow un Schonin ut Sojus 6 beobacht wurrn sull, de Kopplung keem aber nich tostannen, wiel dat Annäherungssystem Igla bi all dree Ruumscheep verseggen dee. Schonin un Kubassow kunnen aber tomindst dat Vakuum-Schweißgerät Vulkan utprobeeren, dat in dat luftloos Orbitalmodul upbaut un vun dat Rückkehrmodul ut feernstüert wurr. An' 16. Oktober is Sojus 6 weer heel up de Eer torüchkommen.

Schonin weer denn as Kommandant vun Sojus 10 vörsehn, de eerst Mannschap, de in en Ruumstatschoon umstiegen sull. Wegen Alkoholprobleme wurr he aber in' Februar 1971 dör Wladimir Schatalow ersett. Schonin verlor sien Floogstatus, is aber eerst an' 18. April 1979 ut dat Kosmonautenkorps utscheeden. He wurr Afdeelensdirekter in dat Zentrale Wetenschaplich Forschensinstitut vun dat sowjeetsch Ministerium för Verdeffenderen. As he1990 in den Ruhestand versett wurr, weer he Generalleutnant vun de Reserve vun de russisch Luftstrietkräfte. Schonin is an' 7. April 1997 an de Folgen vun en Hartinfarkt storven.

Georgi Schonin weer verheiraadt un harr veer Kinner.

• Peter Stache, Raumfahrer von A bis Z, Militärverlag der Deutschen Demokratischen Republik, Berlin (Ost), 1988, ISBN 3-327-00527-3

• spacefacts.de: Körtbiografie mit Biller
• Encyclopedia Astronautica: Biografie (engelsch)