Flagg vun Haiti

De Flagg vun de Republiek Haiti is de Natschonaalflagg vun dat Förstendom Liechtensteen, de in ehr hüütige Form an’n 25. Februar 1986 offiziell annahmen worrn is.

De Natschonaalflagg besteiht ut twee waagrechte Striepens, de gliek groot sünd. De bövere Striepen is blau, de ünnere is root. De Deenstflagg wiest in de Mitt tosätzlich das Wapen vun Haiti op en quadraatsche witte Flach. Op de zivilen Flagg fehlt dat Wapen. De Klören sünd de glieken as bi de Flagg vun Liechtensteen, de siet 1937 tosätzlich den Förstenhoot wiesen deit, üm de Flaggen to ünnerscheeden.

De blau-ro’e Flagg is in’n Unafhangigkeitskamp gegen Frankriek ut de franzööschen Trikolore tostannen kamen. De witte Striepen is rutnahmen worrn, un de beiden annern weern waagrecht anordent ansteed vun piel.

In de Tiet vun 1964 bit 1986 wiel de Diktatur vun François (Papa Doc) un Jean-Claude Duvalier (Baby Doc) is en annere Flagg bruukt worrn. Dor weern de Striepens wedder piel anordent un de blaue Klöör dör swart uttuuscht.

• Smith/Neubecker: Wappen und Flaggen aller Nationen. München 1980, ISBN 3-87045-183-1.

Flaggen vun Haiti. Mehr Biller, Videos oder Audiodateien to’t Thema gifft dat bi Wikimedia Commons.

• Flags of the World - Haiti (engelsch)