Ferdinand Westhoff

Joseph Ferdinand Westhoff (* 20. November 1812 in Notteln; † 18. Mai 1870 in Mönster) weer en plattdüütschen Schriever.

Westhoff is 1812 in Notteln boren un güng vun 1824 bet 1830 op dat Gymnasium Mönster. Een Semester lehr he an de Akademie in Mönster Philosophie un studeer denn Juristeree in Bonn, Berlin un Griepswoold. Vun 1837 af an weer he Referendar bi dat Oberlandesgericht in Mönster. He geev sien Arbeit aver al gau wedder op, denn he harr dat unheilbor an de Nerven. He dee nu wedder de Philosophie studeren un dee as Privatgelehrten in Mönster leven.

1861 hett he ünner dat Pseudonym G. Ungt twee Vertellen in Mönsterlänner Platt rutgeven (Ollmanns Jans in de Friümde un Ollmanns Jans up de Reise, 1863 in de twete Oplaag as Snurren un Snaken. Twee plattdütsche Geschichten.). 1870 hett he sik denn aver wegen sien Nervenkrankheit sülvst ünbröcht.

• Twee Geschichten in Mönsters Platt. Ollmanns Jans in de Friümde un Ollmanns Jans up de Reise. Brunn, Mönster 1861
• Stoff, Kraft und Gedanke. Eine umfassende Erklärung des Seelen- und des leiblichen Lebens mit Hinblick auf die Unsterblichkeit 1865

• Ferdinand Westhoff in de Datenbank Die niederdeutsche Literatur (hoogdüütsch)