Elisabeth von Janota-Bzowski

Elisabeth von Janota-Bzowski (* 21. November 1912 in Prag as Elisabeth Rupp; † 15. August 2012 in Marl, Noordrhien-Westfalen^[1]) weer en düütsch Künstlerin un Grafikerin. Se hett tallriek Breefmarken gestalt un berühmt Politikers för US-Magazine malt.

Elisabeth von Janota-Bzowski wurrd in Frachkringen faken blots „de Janota“ nömmt. Hör Öllern hebbt all fröh hör Talent opdeckt un so kreeg se all mit teihn Johr Mal- un Tekenünnerricht. Mit 17 hett se all hör eerst Biller verköfft.

Hör Loopbahn führ hör denn ok in de USA. Dor hett se denn in de Warfbranche för de amerikaanschen Tabakkonzern R. J. Reynolds, de Hotelkett InterContinental oder ok för de Chemiekonzerne DuPont un Bayer arbeit. Se hett Porträts vun bekannt Politiker för groot Magazine schafft. De Biller stunnen ünner annern up de Titelsieden vun dat US-Magazin Time, vun de Vogue un den Spiegel. För dat Time Magazine hett se Biller vun Franz Josef Strauß, Gerald Rudolph Ford un US-Butenminister Henry Kissinger tekent. In Düütschland weer se in de 1960er Johren as Grafikerin an de Warfkampagnen för de Ünnernehmen Burda, C&A un Henkel tätig.

In Düütschland is Elisabeth von Janota-Bzowski vör allen för hör Breefmarkenentwürfe bekannt. Tallriek Breefmarken vun de Düütsch Post hett se gestalt. De Breefmarken wiesen immer en besünners Detailtrüe ut. Hör letzt Breefmarkenentwurf keem 2002 to’n 125. Gebortsdag vun Hermann Hesse herut.

Elisabeth von Janota-Bzowski wurrd faken mit de Wöör ziteert: „Eine Briefmarke ist ein Mini-Plakat, und ein Plakat ist ein Telegramm. Die Botschaft muss unmittelbar, schnell und vollständig erfasst werden. Deshalb ist die Aufgabe stets dieselbe: Jedes Thema so einprägsam wie nur möglich zu gestalten.

• 1981 wunn hör Breefmark to’n Tag der Briefmarke 1981 de Wahl to de Muieste, de vun de Düütsch Post dörführt wurrn. Se hett dorbi en Szene vör en preußisch Poststatschoon tekent un hett dormit de Breefmarkenfrüenden, de sück an de Wahl bedeeligt harrn, övertüügt. .
• 1981 De glieker Breefmark hett denn ansluutend ok noch den Titel Muieste Breefmark internatschonal halt.

• 1982 wunn hör Breefmark 400 Johr Gregoriaansch Klenner nochmals den Titel to de muieste Breefmark.

• 13. Oktober 1977: 100 Johr Telefon in Düütschland
• 10. November 1977: 150. Doodsdag vun Wilhelm Hauff
• 17. August 1978: 200. Gebortsdag vun Clemens Brentano

• 14. Februar 1979: 100. Gebortsdag vun Agnes Miegel
• 17. Mai 1979: Europamarken to de Historie vun dat Post- un Feernmeldewesen: Telegrafenbüro, 1863 un Postschalter, 1854
• 17. Mai 1979: 50. Gebortsdag vun Anne Frank

• 8. Mai 1980: Europamarken mit de Thematik „Berühmte Persönlichkeiten“: Gelehrte Albertus Magnus un Gottfried Wilhelm Leibniz
• 10. Juli 1980: 1500. Gebortsdag vun den hl. Benedikt von Nursia

• 15. Januar 1981: 100. Gebortsdag vun Elly Heuss-Knapp
• 12. Februar 1981: 300. Gebortsdag vun Georg Philipp Telemann
• 7. Mai 1981: Europamarke mit dat Thema Folklore: Danzpaar in Schwarzwälder Tracht un Danzpaar in freesch Tracht
• 8. Oktober 1981: Tag der Briefmarke „Szene an einer Poststation um 1855“
• 12. November 1981: 150. Doodsdag vun Carl von Clausewitz

• 13. Januar 1982: De Bremer Stadtmuskanten
• 18. Februar 1982: 150. Doodsdag vun Johann Wolfgang von Goethe
• 14. Oktober 1982: 400 Johre Gregoriaansch Klenner

• 5. Mai 1983: 150. Gebortsdag vun Johannes Brahms
• 11. August 1983: 250. Gebortsdag vun Christoph Martin Wieland
• 11. August 1983: 100. Gebortsdag vun Otto Warburg
• 13. Oktober 1983: 500. Gebortsdag vun Martin Luther

• 12. Januar 1984: 150. Gebortsdag vun Philipp Reis
• 10. Januar 1985: 200. Gebortsdag vun de Gebröder Grimm
• 16. April 1985: 225. Gebortsdag vun Johann Peter Hebel

• 14. August 2000: 100. Doodsdag vun Friedrich Nietzsche
• 4. Juli 2002: 125. Gebortsdag vun Hermann Hesse

• 
  2000: 100. Doodsdag vun Friedrich Nietzsche

Janota-Bzowski. Mehr Biller, Videos oder Audiodateien to’t Thema gifft dat bi Wikimedia Commons.

1. ↑ Trueranzeige in Rheinische Post van’ 18. August 2012