Astronaut Hall of Fame

De Astronaut Hall of Fame in Titusville in’ US-Bundsstaat Florida is en apenlich Ehrensstäe för Astronauten. Se beherbargt de weltwiet gröttste Sammlung vun Erinnerungsstücken vun de Astronauten un hörrt to den Besökerkomplex vun dat Kennedy Space Center.

In de 1980er Johren hemm de överleven söss Mercury-Seven-Liddmaaten beslooten, en Gedenkstäe ahn Utnahm för Astronauten to errichten. De Mercury Seven Foundation un de Astronaut Scholarship Foundation hemm de Schermherrschap över dit Projekt övernommen. An' 29. Oktober 1990 wurr de Hall of Fame apen maakt,^[1] muss in de Tüschentiet in dat Johr 2002 för en körten Tiet wegen Bankrott dicht maaken, wurr denn aber weer apen maakt, nahdem de NASA de Drägerschap övernommen harr.

Utstellt sünd Sigma 7, dat Mercury-Ruumschipp vun Walter Schirra un dat Kommandomodul vun Apollo 14.

Wiederhen weer de Ruumantoog un anner Saken vun de Mission Mercury-Redstone 4 vun Virgil Grissom utstellt. Nah den Bankrott geev dat en gerichtlich Nahspeel um dat Eegendom an disse Utstellensstücken, wiel de Familie vun Grissom de NASA nich erloven wull, disse Dinge in hör Besitt to nehmen.

Liddmaaten sünd all söben Mercury-Astronauten un 37 Astronauten vun dat Gemini- un Apollo-Projekt. Dorto sünd 27 Space-Shuttle-Astronauten to Tiet Liddmaat vun de Hall of Fame.

• Offizielle Homepage (englisch)

1. ↑ Jay Clarke: Mercury Museum – Hall Of Fame Honors 7 Who Blazed A Trail In Space. In: The Seattle Times, 30. Oktober 1990.