Alphonse Louis Nicolas Borrelly

Alphonse Louis Nicolas Borrelly (* 8. Dezember 1842 in Roquemaure bi Nîmes; † 28. Februar 1926) weer en franzööschen Astronom.

Borrelly kreeg 1864 en Steed as Hülpsmann an de Steernwacht vun Marseille, woneem he bit 1919 as Astronom vun Beroop arbeiten de.

Mit den Kometensöker vun de Steernwacht, de en Apen vun 182 mm opwies^[1], hett Borrelly achteihn Asteroiden, achteihn Kometen – dorünner den kortpeioodschen 19P/Borrelly – un söss Galaxien, de in den NGC opnahmen worrn sünd, opdeckt.

In’t Johr 1913 is he mit den Jules-Janssen-Pries uttekent worrn. Na em is de Asteroid (1539) Borrelly nöömt worrn.

• Wilhelm Brüggenthies, Wolfgang R. Dick: Biographischer Index der Astronomie. Verlag Harri Deutsch, Frankfort an’n Main 2005, ISBN 3-8171-1769-8.

• Publikatschonen vun A. Borrelly in’t Astrophysics Data System
• J. Bosler: Alphonse Borrelly (1842–1926). Journal des Observateurs, Vol. 9 (1926), S. 169 (Naroop, franzöösch)

1. ↑ Bild vun den Kometensöker; afropen an’n 28. September 2018