Kaesong

Kaesong (koreaansch 개성시) ios en Stadt in de Provinz Noord-Hwanghae in Noordkorea. De Stadt hett 308.440 Inwahners (Stand 2008) op en Rebed von 1309 km².

De Oort liggt twölv Kilometer noorden von Panmunjeom, dicht bi de Grenz na Süüdkorea.

Kaesong is 918 von Wang Geon as ne’e Höövdstadt von sien Königriek Goryeo grünnt worrn. Dormaals is de Stadt Song-ak nöömt worrn un schall bet to 800.000 Inwahners hatt hebben. 960, ünner König Gwangjong, hett de Stadt de Naam Gaegyeong kregen. Dat Enn von Kaesong as Höövdstadt keem 1392, as Yi Song-gye von de Joseon-Dynastie de Höövdstadt na Hanyang leggt hett.

In de Tied von de Japaansche Herrschop in Korea von 1910 bet 1945 hebbt de Japaners de Stadt Kaijō nöömt. Kaesong hett in’n Süden von 38. Bredengraad legen un hett dorüm na’n Tweten Weltkrieg toeerst in de amerikaansche Besatterzoon legen un hett to Süüdkorea tohöört. Na’n Koreakrieg keem Kaesong aver in’n Noorden von de Demilitariseerte Zoon to liggen un weer denn Deel von Noordkorea.

Von 1955 bet 2003 weer Kaesong binnen Noordkorea en egenstännige Stadt, de to keen Provinz tohöört hett, is denn aver Deel von de Provinz Noord-Hwanghae worrn.

Von Kaesong löppt en Autobahn na Pjöngjang.

De Oort liggt an de P'yŏngbu-Iesenbahnlien, de na Pjöngjang löppt. Fröher güng de Lien na Süden na Seoul wieder, aver de Bahnlien is nu dör de Staatsgrenz deelt.

In Kaesong gifft dat de Koryo-Songgyungwan-Universität, de Kommunistische Universität un en Kunsthoogschool.

Kaesong is ünnerdeelt in 24 Naverschoppen un 3 Dörper.

Naverschoppen:

• Koryo (고려동/高麗洞)
• Haeun (해운동/海雲洞)
• Janam (자남동/子男洞)
• Kwanhun (관훈동/冠訓洞
• Manwol (만월동/滿月洞)
• Naesong (내성동/內城洞)
• Naman (남안동/南安洞)
• Nammun (남문동/南門洞)
• Namsan (남산동/南山洞)
• Pangjik (방직동/紡織洞)
• Poson (보선동/保善洞)
• Pukan (북안동/北安洞)
• Pusan (부산동/扶山洞)
• Ryonghung (룡흥동/龍興洞)
• Ryongsan (룡산동/龍山洞)
• Songak (송악동/松嶽洞)
• Songnam (성남동/城南洞)
• Sonjuk (선죽동/善竹洞)
• Sungjon (승전동/勝戰洞)
• Tonghung (동흥동/東興洞)
• Tonghyon (동현동/銅峴洞)
• Undok (은덕동/恩德洞)
• Unhak (운학동/雲鶴洞)
• Yokjon (역전동/驛前洞)

Dörper:

• Pakyon (박연리/朴淵里)
• Samgo (삼거리/三巨里)
• Tokam (덕암리/德岩里)

Kaesong. Mehr Biller, Videos oder Audiodateien to’t Thema gifft dat bi Wikimedia Commons.

Ünnerafdelen von Noord-Hwanghae

Städer: Kaesong | Sariwon (Höövdstadt) | Songrim

Kreise: Changpung | Chunghwa | Hwangju | Kaepung | Kangnam | Koksan | Kumchon | Pongsan | Pyongsan | Rinsan | Sangwon | Singye | Sinpyong | Sohung | Suan | Tosan | Unpa | Yonsan | Yontan

 

Koordinaten:37° 58′ N, 126° 33′ O